Megináhersla er lögð á að nemendur tileinki sér undirstöðuatriði tungumálsins, temji sér góð vinnubrögð og einnig fái þeir innsýn í menningu og staðhætti þýskumælandi landa og kynnist samskiptavenjum og siðum í samanburði við Ísland.
Nemendur læra að kynna sig og aðra, tala um áhugamál, segja frá fjölskyldu sinni og sínu nánasta umhverfi í nútíð í ræðu og riti. Nemendur eru þjálfaðir í færniþáttunum fjórum, tali, hlustun, ritun og lestri.
Engar
Nemandi skal hafa öðlast þekkingu og skilning á:
almennum orðaforða í samræmi við hæfni- og leikniviðmið áfangans
helstu reglum um framburð, áherslur og hljómfall
grunnatriðum málkerfisins
útbreiðslu þýsku og þjóðfélagi þýskumælandi svæða
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
fylgja fyrirmælum á þýsku og skilja kveðjur og kurteisisávörp
lesa einfalda texta sem innihalda algengan orðaforða
taka þátt í einföldum samræðum
segja frá sjálfum sér og fjölskyldu sinni
skrifa stuttan texta um ýmis atriði
beita helstu reglum um málnotkun í ræðu og riti
nota sjálfstæð og viðeigandi vinnubrögð í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
greina einfaldar upplýsingar í mæltu máli ...sem er metið með... verkefnum og prófum
eiga samskipti á þýsku við ákveðnar aðstæður ...sem er metið með... verkefnum, munnlegri framsögn og prófum
segja frá persónulegum högum í ræðu og riti á einfaldan hátt ...sem er metið með... verkefnum, prófum og munnlegri framsögn
vinna úr einföldum textum á mismunandi hátt eftir efni og eðli textans og tilganginum með lestrinum ...sem er metið með... verkefnum og prófum
meta eigið vinnuframlag og kunnáttu ...sem er metið með... sjálfsrýni
Lokapróf og símat sem byggist á ýmsum munnlegum og skriflegum verkefnum sem unnin eru yfir önnina.