Nemendur teikna eftir lifandi módeli og beinagrind. Lögð er megináhersla á að þjálfa augað í að sjá það sem horft er á og koma því rétt niður á blað. Notuð verða fjölbreytt teikniáhöld og einnig málað á einfaldan hátt og mögulega verður módelið mótað líka í leir.
Nemendur eiga að þróa með sér sjálfstæða skissu- og hugmyndavinnu með mannslíkamann sem útgangspunkt.
Íslenskir listamenn sem vinna með mannslíkamann kynntir
Nemendur hengja upp verk sín og skoða þau í samhengi og halda áfram að þjálfast í að ræða um þau.
TEIK1GR05
Nemandi skal hafa öðlast þekkingu og skilning á:
beina- og vöðvabyggingu mannlíkamans til að geta teiknað hann rétt og unnið með í tvívíðum og þrívíðum myndverkum
hlutföllum í mannslíkamanum og hvernig best er að teikna hann
hvernig nota á mælingar og hjálparlínur til að finna stærðarhlutföll og rétta stöðu líkamans
Nemandi skal hafa öðlast leikni í að:
teikna mannslíkamann eftir lifandi módeli
nota mælingar og hjálparlínur til að teikna mannslíkamann í réttri stöðu
nota fjölbreyttar aðferðir og áhöld við að teikna módel
Nemandi skal geta hagnýtt þá almennu þekkingu og leikni sem hann hefur aflað sér til að:
geta teiknað og málað mannslíkamann rétt eftir lifandi módeli ...sem er metið með... verkefnum
nota mannslíkamann allan eða að hluta í eigin myndverkum ...sem er metið með... verkefnum
Símat þar sem öll verkefni nemenda verða metin með tilliti til tækni, fagurfræði, vinnusemi, vinnubragða og hvernig nemandi tekur tilsögn kennara.