Þessi áfangi er grunnáfangi í myndlist þar sem kennd verða grunnatriði teikningar, málunar, form- og litafræði. Lögð er áhersla á að þjálfa formskilning nemenda með því að teikna einföld form svo sem kúlu, kassa, keilu og sívalning. Nemendur kynnast og læra að beita lögmálum myndbyggingar, hvernig ólík form, punktar, línur og áferð hafa áhrif á jafnvægi myndflatarins og merkingu.
Í litafræðinni kynnast nemendur grundvallaratriðum í meðferð lita, þar sem þeir kanna samspil lita, virkni þeirra og áhrif. Unnið verður með olíuliti og farið verður yfir blöndun og notkun þeirra. Nemendur vinna svo á sjálfstæðan hátt að fullunnu lokaverki þar sem þeir hagnýta þá þekkingu sem þeir hafa aflað sér. Áfanginn miðar einnig að því að opna fyrir sköpunarkraft nemenda og gera þá óhrædda við að prófa, framkvæma og þróa hugmyndir sínar án þess að hræðast útkomuna. Áhersla er lögð á miðlun listrænna afurða nemenda og tjáningu þeirra um eigin sköpun.
Inngangur að listum
Nemandi skal hafa öðlast þekkingu og skilning á:
grunnþáttum myndlistar
blöndun grunnlita í litatóna og hugtök þar að lútandi
sjálfstæðum vinnubrögðum og hugsun út frá hugmynd (konsept)
vinnuumhverfi,vinnutækjum og áhöldum sinnar listgreinar
notkun olíulita
grunnþáttum formfræði og teikningar
mismunandi nálgun listamanna við listsköpun
að miðla listsköpun sinni með því að tjá sig um hana og sýna
þróa með sér aga, metnað, ábyrgð og jákvæðni í vinnubrögðum
að meta eigið vinnuframlag
Nemandi skal hafa öðlast leikni í að:
beita skapandi hugsun
beita skissun og teiknivinnu
framkalla þrívídd með skyggingu
skilja myndbyggingu og uppbyggingu myndflatar
efla skilning sinn á listrænni vinnu, að upplifa, skynja og túlka það sem hann sér, upplifir
tjá sig um eigin sköpun
beita mismunandi miðlunarleiðum í listsköpun sinni
blanda liti og tóna
skilja form og uppbyggingu þeirra
beita mismunandi miðlunarleiðum í listsköpun sinni
meðhöndla olíulita og skilja virkni þeirra
leysa úr viðfangsefnum einn eða í samstarfi við aðra
skiptast á skoðunum og setja fram hugmyndir sínar
bregðast við viðmælendum
Nemandi skal geta hagnýtt þá almennu þekkingu og leikni sem hann hefur aflað sér til að:
vera skapandi í hugsun ...sem er metið með... umræðum og verklegum æfingum. nýta reglur, form og lögmál myndlistar í eigin listsköpun
vinna á persónulegan hátt með eigin hugmynd og útfæra hana í myndverki með tilliti til lita-, og formfræði og myndbyggingar ...sem er metið með... umræðum, verklegum æfingum og skriflega
fullvinna hugmyndir undir leiðsögn kennara ...sem er metið með... umræðum, verklegum æfingum og skriflega
tjá sig hiklaust um eigin sköpun við aðra viðmælendur ...sem er metið með... umræðum og skriflega
að skapa eign verk byggð á eigin listrænum styrk undir leiðsögn kennara ...sem er metið með... umræðum, verklegum æfingum og skriflega
skilgreina eigin verk ...sem er metið með... umræðum, verklegum æfingum og skriflega
standa að sýningu þar sem nemandinn miðlar listrænum styrk sínum ...sem er metið með... framkvæmd sýningar og umræðum
kynna eigin verk og geta brugðist við og tjáð skoðanir sínar um verk annara ...sem er metið með... umræðum og skriflega
tjá sig hiklaust og taka þátt í samræðum um myndlist við ólíka viðmælendur ...sem er metið með... umræðum
leysa úr viðfangsefnum einn eða í samstarfi við aðra ...sem er metið með... umræðum, verklegum æfingum og skriflega
þróa með sér aga, metnað, ábyrgð og jákvæðni í vinnubrögðum ...sem er metið með... umræðum, verklegum æfingum og skriflega
meta eigið vinnuframlag ...sem er metið með... umræðum og skriflega
Í áfanganum er viðhaft símat alla önnina og lögð er áhersla á vinnusemi, sköpun og áræði.
Öll verkefni gilda til einkunnar og þess vegna er það mikilvægt að nemendur stundi námið reglulega.