Áfanginn er undirbúningur að námi í hugvísindum, aðferðafræði, tilgangi og markmiðum í víðu samhengi og samþættir sálarfræði, félagsfræði, heimspeki, stjórnmálafræði og uppeldis- og menntunarfræði. Áfanginn er undanfari annarra áfanga í félagsvísindum og ætlað að kynna nemendum fyrir grunnhugtökum í þessum greinum.
Nemandinn er studdur til þess að þreifa sig áfram á eigin forsendum, vinna með öðrum og fjalla um efnið út frá eigin forsendum og ná lengra byggt á fyrri þekkingu og reynslu. Lögð er áhersla á að nemendur temji sér vinnubrögð sem notuð eru í félagsvísindum.
Fjölbreyttar kennsluaðferðir eru notaðar í áfanganum, til dæmis umræður og verkefnavinna þar sem ýmist er um að ræða einstaklings- og hópverkefni. Markmiðið er að tengja námsefni áfangans sem best við raunverulegar aðstæður. Þetta krefst frumkvæðis, sköpunar og ábyrgðar á eigin námi. Nemendur afla upplýsinga eftir fjölbreyttum leiðum og fá þjálfun í að meta eigið vinnuframlag og annarra.
Engar
Nemandi skal hafa öðlast þekkingu og skilning á:
viðfangsefnum félags- og hugvísinda
vinnubrögðum félags- og hugvísinda
grunnhugtökum í félags- og hugvísindum
þeim félagslegu stofnunum sem hafa áhrif á líf hans og hvernig hann getur haft áhrif á þær
réttindum og skyldum hans gagnvart samfélaginu.
Nemandi skal hafa öðlast leikni í að:
beita algengustu hugtökum um viðfangsefni áfangans á skýran og skilmerkilegan hátt
lesa og skilja umfjöllun um helstu viðfangsefni áfangans
tjá kunnáttu sína bæði munnlega og skriflega
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig skipulega og gagnrýnið um einstaka efnisþætti ...sem er metið með... skriflegum verkefnum, kynningum og umræðum
geta tekið þátt í umræðum um samfélagsleg málefni og myndað sér skoðanir sem byggjast á gagnrýnni hugsun ...sem er metið með... umræðum og skriflegum verkefnum
afla sér upplýsinga, greina helstu atriði þeirra og hagnýta sér þær ...sem er metið með... umræðum, kynningum og skriflegum verkefnum
geti beitt öguðum vinnubrögðum, tekið ábyrgð á eigin námi og unnið í samvinnu við aðra ...sem er metið með... sjálfsmati og jafningjamati
beita algengustu hugtökum félagsvísinda á skýran og skilmerkilegan hátt ...sem er metið með... umræðum, skriflegum verkefnum og kynningum
geti hagnýtt netið til að afla sér þekkingar um viðfangsefni áfangans ...sem er metið með... umræðum og skriflegum verkefnum
tjá sig skipulega og gagnrýnið um samfélagsleg álitamál ...sem er metið með... uræðum, skriflegum verkefnum og kynningum
geta sett sig í spor annarra ...sem er metið með... umræðum og skriflegum verkefnum.
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.