Í áfanganum er félagsfræðin kynnt sem fræðigrein. Fjallað um hugmyndir frumkvöðla félagsfræðinnar og helstu kenningar kynntar. Þróun félagsfræðinnar frá hugmyndum frumkvöðla til samtímans er skoðuð. Tengsl einstaklings og samfélags eru tekin fyrir og greind í ljósi ólíkra kenninga. Viðfangsefni líkt og frávik, afbrot, lagskipting og félagsleg mismunun og misrétti eru tekin til umfjöllunar út frá mismunandi sjónarhóli kenninga. Í áfanganum er jafnrétti kynja, kynhlutverk og fjölmiðlun einnig meðal efnisþátta.
FÉVÍ1ÞF05
Nemandi skal hafa öðlast þekkingu og skilning á:
helstu frumkvöðlum félagsfræðinnar og geti lýst framlagi þeirra til greinarinnar
sjónarhornum helstu kenninga
helstu grundvallarhugtökum félagsfræðinnar
sérstöðu félagsfræðinnar og skyldleika hennar við aðrar greinar félagsvísinda
Nemandi skal hafa öðlast leikni í að:
beita hugtökum félagsfræðinnar í umfjöllun um fræðileg viðfangsefni
greina á milli og meta ólíkar kenningar um samfélagið
afla upplýsinga, greina þær og setja í fræðilegt samhengi
setja fram og miðla þekkingu sinni í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla á gagnrýninn hátt um samfélagið
rökstutt á fræðilegan hátt ólík viðhorf og skýringar
taka afstöðu til félagsfræðilegra álitamála
öðlast skilning á eigin stöðu í samfélaginu
Námsmat er útfært í kennsluáætlun í samræmi við skólanámskrá.