Í þessum byrjunaráfanga fá nemendur innsýn í mismunandi greinar félagsvísindanna með sérstaka áherslu á félagsfræði, sálfræði og uppeldisfræði. Farið er í upphaf og sögu félagsvísinda, mismunandi stefnur og sjónarmið og nokkra helstu frumkvöðla innan félagsvísindanna. Fjallað er um grunneiningar samfélagsins og áhrif þess á einstaklinginn og líf hans. Lögð er áhersla á að nemendur öðlist þekkingu á umhverfi sínu og geti myndað sér skoðanir á málefnum sem efst á baugi eru hverju sinni. Nemendur fræðast um þá þætti sem hafa áhrif á líf barna og fullorðinna í nútímaþjóðfélagi. Einnig er þeim gefin innsýn í þá hugmyndafræði sem nútíma félagsvísindi byggja á, mismunandi viðfangsefni þeirra og mikilvægi í daglegu lífi.
Sem dæmi um einstaka efnisþætti má nefna: Félagskerfið, hagkerfið og stjórnkerfið, erfðir og umhverfi, frjáls vilji löghyggja, félagsmótun, þróun menntunar, kynhlutverk og jafnfrétti, menning og trúarbrögð, fjölskyldan, vinna og atvinnulíf.
engar
Nemandi skal hafa öðlast þekkingu og skilning á:
algengustu grunnhugtökum, viðfangsefnum og sjónarmiðum félagsvísinda
sögulegum uppruna og þróun félagsvísinda
ólíkum öflum sem hafa áhrif á mótun einstaklingsins
þeim félagslegu stofnunum sem hafa áhrif á líf hans
möguleikum til að hafa áhrif á líf sitt og umhverfi
réttindum og skyldum gagnvart samfélaginu
Nemandi skal hafa öðlast leikni í að:
beita algengustu hugtökum félagsvísinda
skilja stöðu sína innan samfélagsins
tjá sig í ræðu og riti
greina einkenni og þróun samfélaga
greina orsök og afleiðingu
að skoða sína eigin hegðun og annarra út frá grundavallarhugmyndum félagsvísinda
Nemandi skal geta hagnýtt þá almennu þekkingu og leikni sem hann hefur aflað sér til að:
afla upplýsinga og vinna með þær á hagnýtan og fjölbreyttan hátt
tjá sig um og taka rökstudda afstöðu til álitamála
bera virðingu fyrir mismunandi lífsgildum, mannréttindum og jafnrétti
setja sig í spor annarra
skilja stöðu sína í samfélaginu og eiga farsæl samskipti við umhverfi sitt
Námsmat er útfært í kennsluáætlun í samræmi við skólanámskrá.