Það kom upp villa senda inn  Áfangi

    Áfangi Nánari upplýsingar


    Búið til: 1337088961

    Efnafræði: efnatengi, hraðafræði og efnafræði lofttegunda
    EFNA3HE05
    12
    efnafræði
    efnaftengi, hraðafræði og efnafræði lofttegunda
    Samþykkt af skóla
    3
    5
    Í þessum framhaldsáfanga er haldið áfram með grunnatriði efnafræðinnar jafnframt því sem byggt er ofan á fyrri þekkingu. Efnisþættir sem teknir verða fyrir í áfanganum eru: skematísk framsetning efnatengja og Lewis myndir, hraði efnahvarfa og hraðalögmálið, tengi innan og á milli sameinda, flokkar lífrænna efna og IUPAC nafnakerfið, og efnafræði lofttegunda.
    EFNA2EM5 Efnahvörf, mólstyrkur og orka
    Nemandi skal hafa öðlast þekkingu og skilning á:
    • skematískri framsetningu tengja, áttureglunni og hvernig tákna má sameindir í fleti og teikna Lewis myndir
    • hraðafræði efnahvarfa og hvarfhraða
    • tengjum innan sameinda og milli sameinda
    • flokkun lífrænna efna og IUPAC nafnakerfinu
    • grunnatriðum efnafræði lofttegunda.
    Nemandi skal hafa öðlast leikni í að:
    • teikna Lewis myndir og nota þær til að finna líklegustu samsetningu sameindar
    • greina á milli tengjagerða innan sameinda og milli sameinda
    • finna hraðalögmál út frá tilraunaniðurstöðu og nota jöfnu Arrheniusar
    • greina flokka lífrænna efna og gefa efnunum nöfn samkvæmt IUPAC nafnakerfinu
    • nota gaslíkinguna og reikna hlutþrýsting
    • skrifa skýrslur um tilraunir.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • meta hvort niðurstöður útreikninga og mælinga séu raunhæfar
    • túlka efnatákn og efnajöfnur
    • nýta hópavinnu til að leysa flóknari viðfangsefni
    • nýta sér flókinn texta og gögn á markvissan hátt
    • sýna sjálfstæði í vinnubrögðum
    • setja niðurstöður úr verklegum æfingum fram á skýran hátt
    • tengja efnafræðina við daglegt líf og umhverfi í auknum mæli.
    Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.