Í áfanganum er megináhersla á að kynna lífríki Íslands og þá sérstöðu sem það hefur bæði vegna jarðsögu landsins og landfræðilegrar legu þess. Skoðaðir eru helstu hópar lífvera á landi, sjó og ferskvatni; spendýr, fuglar, fiskar, hryggleysingjar og plöntur. Lifnaðarhættir mismunandi hópa lífvera eru kynntir og helstu einkenni þeirra. Lögð er áhersla á að nemendur þekki algengar lífverutegundir á Íslandi. Einnig eru breytingar á lífríki Íslands í gegnum árin skoðaðar. Lögð er áhersla á sjálfstæð vinnubrögð og gagnaöflun frá mismunandi miðlum. Einnig er áhersla á að nemendur miðli þekkingu sinni á skapandi hátt.
NÁTT1LE05 / LÍFF2EL05
Nemandi skal hafa öðlast þekkingu og skilning á:
sérstöðu lífríkis Íslands, m.a. vegna eyjaáhrifa og jarðsögu
einkennum helstu hópa lífvera sem finnast í lífríki Íslands (á landi, í fjöru, sjó og ferskvatni), s.s. gróðri, hryggleysingjum, fiskum, fuglum og spendýrum
búsvæðum, lífsferlum og lífsögu mismunandi lífvera
gagnsemi greiningalykla við tegundagreiningar
mismunandi rannsóknaraðferðum í líffræði
breytingum sem hafa orðið á íslensku lífríki undanfarin ár
framandi tegundum og ágengum tegundum
hugtakinu líffræðilegur fjölbreytileiki
Nemandi skal hafa öðlast leikni í að:
greina á milli mismunandi lífveruhópa og/eða tegunda
tjá sig um málefni tengd lífríki Íslands á ábyrgan og rökrænan hátt
beita einföldum líffræðilegum rannsóknaraðferðum
að lesa líffræðilegar upplýsingar úr máli og myndum
Nemandi skal geta hagnýtt þá almennu þekkingu og leikni sem hann hefur aflað sér til að:
afla sér frekari þekkingar á lífríki Íslands með aðstoð fjölbreyttra miðla
leggja mat á upplýsingar sem tengjast lífríki Íslands á ábyrgan og rökrænan hátt
taka þátt í umræðum um málefni tengdum lífríki Íslands á ábyrgan og sjálfstæðan hátt
koma þekkingu sinni á framfæri á skapandi hátt
taka þátt í verklegum æfingum þar sem líffræðilegum rannsóknaraðferðum er beitt
taka tillit til íslenskrar náttúru í daglegu lífi og stuðla að sjálfbærni hennar
Námsmat er útfært í kennsluáætlun í samræmi við skólanámskrá.