Viðfangsefni áfangans er jafnvægishugtakið. Jafnvægi í efnahvörfum er skoðað frá ýmsum hliðum en áhersla lögð á jafnvægi í þremur megingerðum efnahvarfa: sýru-basa hvörfum, oxunar-afoxunarhvörfum og fellingarhvörfum. Nemendur vinna sjálfstætt að framkvæmd og úrvinnslu verklegra æfinga er tengjast viðfangsefnum áfangans.
EFNA2LM05
Nemandi skal hafa öðlast þekkingu og skilning á:
jafnvægi í efnahvörfum
efnafræði sýra og basa og jafnvægi hjá daufum sýrum og bösum
efnafræði lausna, jafnalausnum, títrunum og leysnimargfeldi
sjálfgengni efnahvarfa, fríorku og tengslum hennar við jafnvægisfastann
rafefnafræði
Nemandi skal hafa öðlast leikni í að:
nota jafnvægisfasta og jafnvægisstyrkja til útreikninga
beita útreikningum er tengjast sýrum og bösum
reikna út orkubreytingar í efnahvörfum og tengja þær við jafnvægisástand
setja upp, framkvæma og vinna úr verklegum æfingum á sjálfstæðan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
sjá tengslin milli náttúrufræðigreina og geta yfirfært þekkingu og leikni á milli þeirra
sýna sjálfstæði í vinnubrögðum og bera ábyrgð á eigin námsframvindu
leggja rökstutt mat á áreiðanleika rannsóknarniðurstaðna, sinna eigin og annarra
taka þátt í rökræðum, mynda sér skoðanir og taka ákvarðanir er lúta að málefnum sem tengjast efnafræði
tengja efnafræðina við daglegt líf og umhverfi og sjá hagnýtingargildi hennar við lausn flókinna verkefna
takast á við frekara nám í efnafræði
Námsmat er útfært í kennsluáætlun í samræmi við skólanámskrá.