Í áfanganum verður byggt ofan á þann grunn sem lagður var í SPÆN1PL05. Orðaforði mun aukast til muna og bætist við málfræðiatriði er auka munu hæfni nemenda í að tjá sig í ræðu og riti um líðandi stund og liðna tíð. Nemendur læri að tjá sig um skoðanir sínar á spænsku, mæli sér mót og ákvarði stund og stað. Þeir geti gefið upplýsingar, verslað, talað um störf, nám og framtíðarplön.
Nemendur fá fræðslu um forna menningu sem og nútímalíf spænskumælandi landa, ásamt því að öðlast meiri þekkingu og innsýn í ólíka matarmenningu og lífsstíl þeirra er hafa spænsku sem móðurmál. Einnig geri nemendur sér betur grein fyrir landfræðilegum og menningarlegum mun milli héraða Spánar og landa Latnesku Ameríku. Notast verður við kvikmyndir, tónlist og internetið til að veita nemendum myndræna og hljóðræna sýn á sérkenni spænskumælandi þjóða.
SPÆN1PL05
Nemandi skal hafa öðlast þekkingu og skilning á:
orðaforða sem er nánar tiltekinn í leikni- og hæfnimarkmiðum áfangans
fleiri atriðum er varða framburð, hljómfall, stafsetningarreglur og orðaröð nánar tiltekið í leikni- og hæfnisviðmiðum áfangans
mismunandi siðum, (forn)menningu, aðstæðum og samskiptavenjum hinna ýmsu spænskumælandi landa
flóknari tjáningu og samskiptum í mæltu og rituðu máli
Nemandi skal hafa öðlast leikni í að:
tjá sig um heilsufar og rætt tímapantanir / stefnumót
spyrja og segja sína skoðun á því helsta er varðar daglegar athafnir, og tímasetningar
tjá sig í ræðu og riti (dagbók) um allt það helsta sem gert er daglega; hvað er gert, hvenær, hvernig, ferðamáti, fög, skólinn, vinnan, matur, föt, litir, munstur, matmálstímar, fæða, fjölskyldan, tómstundir, áhugamál, íþróttir o.fl.
skilja innihald stuttra frásagna í ljóðum, bókum og blaðagreinum
skilja stutta umfjöllun, textabrot og ljóð þekktra rithöfunda, listmálara og ljóðskálda
skilja og geta talað um samskiptamáta (farsíma, tölvur, netið o.s.frv.), dans og tónlist, húsnæði og störf
skrifa bréf og frásagnir þar sem greint er frá atburðum og lýst tilfinningum
nýta sér málfræðileg atriði s.s. atburðaþátíð, núliðna tíð, persónufornöfn í óbeinu andlagi, lýsingarorð og stigbreytingu, o.fl. til að auka færni í rituðu og mæltu máli
Nemandi skal geta hagnýtt þá almennu þekkingu og leikni sem hann hefur aflað sér til að:
geta ráðið við kringumstæður sem tengjast efni áfangans
geti skipst á skoðunum varðandi algeng málefni
geti í ræðu og riti höndlað helstu atriði er snerta daglegt líf og skoðanir
bjarga sér á spænsku við algengar kringumstæður s.s. í verslunum, veitingastöðum og kaffihúsum, biðja um álit, skipta um skoðun og fá uppgefið verð
bera kennsl á ákveðnar þekktar persónur frá spænskumælandi löndum
leysa viðfangsefni einir eða í samstarfi og með réttum hjálparmiðlum
þróa með sér aga og metnað til að auka þekkingu og getu í spænsku
Námsmat er útfært í kennsluáætlun í samræmi við skólanámskrá.