ferðalög, saga, stig a2 - b1 í evrópska tungumálarammanum
Samþykkt af skóla
1
5
Í áfanganum verður byggt ofan á þann grunn sem lagður var í SPÆN1DA05. Orðaforði mun aukast umtalsvert og ráði nemendur við flóknari og fjölbreyttari texta. Bætt verður við málfræðiatriðum er auka munu hæfni nemenda í að tjá sig í ræðu og riti um líðandi stund og liðna tíð. Nemendur læri að tjá sig með flóknari hætti um skoðanir sínar, skipuleggi og tali um ferðalög innanlands sem og í spænskumælandi löndum, tjái sig um mismunandi áætlanir og ferðamáta, kosti, galla og hættur sem þeim geta fylgt. Aukin innsýn í matarmenningu, listir, kvikmyndir og þjóðlíf.
SPÆN1DA05
Nemandi skal hafa öðlast þekkingu og skilning á:
orðaforða sem er nánar tiltekinn í leikni- og hæfnimarkmiðum áfangans
fleiri atriðum er varða framburð, hljómfall, stafsetningarreglur og orðaröð nánar tiltekið í leikni- og hæfnisviðmiðum áfangans
mismunandi búsetuformum fyrr og nú, menningu, matarvenjum, aðstæðum og samskiptavenjum hinna ýmsu spænskumælandi landa
aðstæðum íbúa spænskumælandi landa, t.d. er varðar straum til vestrænna landa
merkilegum sögulegum atburðum í spænskumælandi löndum
flóknari tjáningu og samskiptum í mæltu og rituðu máli
Nemandi skal hafa öðlast leikni í að:
spyrja og leiðbeina varðandi ferðalög innanlands og utan
tjá sig í ræðu og riti (dagbók) um allt það helsta sem gert er daglega; hvað er gert, hvenær, hvernig, ferðamáti, fög, skólinn, vinnan, matur, föt, litir, munstur, matmálstímar, fæða, fjölskyldan, tómstundir, áhugamál, íþróttir o.fl.
skilja innihald t.d. mataruppskrifta, bóka og blaðagreina
skilja stutta umfjöllun, textabrot og ljóð þekktra rithöfunda, listmálara og ljóðskálda
skilja og geta notað samskiptamáta; sent bréf/ tölvupóst um þekkt málefni
geta greint er frá atburðum og lýst tilfinningum
nýta sér málfræðileg atriði s.s. atburðaþátíð, núliðna tíð, lýsingarþátíð, þáliðna tíð, lýsingarhátt nútíðar, persónufornöfn í beinu og óbeinu andlagi, lýsingarorð og stigbreytingu, o.fl. til að auka færni í rituðu og mæltu máli
Nemandi skal geta hagnýtt þá almennu þekkingu og leikni sem hann hefur aflað sér til að:
ráða við kringumstæður sem tengjast efni áfangans
skiptast á skoðunum varðandi þekkt málefni
höndla í ræðu og riti helstu atriði er snerta daglegt líf og skoðanir
bjarga sér á spænsku við kringumstæður sem komið geta upp á ferðalögum
þekkja til merkisverðra atburða og persóna í spænskumælandi löndum
leysa viðfangsefni einir eða í samstarfi og með réttum hjálparmiðlum
þróa með sér aga og metnað til að auka þekkingu og getu í spænsku
Námsmat er útfært í kennsluáætlun í samræmi við skólanámskrá.