Í áfanganum eiga nemendur að læra að kenna börnum og unglingum undirstöðuatriði í knattspyrnu. Lögð er áhersla á kennslu knatttækni og leikfræði fyrir byrjendur. Stefnt er að því að nemendur öðlist ákveðna grundvallarfærni í greininni. Farið er yfir helstu atriði í þjálffræði barna og mikilvægi þess að leikurinn sé greindur sundur í smáar einingar, leikæfingar. Nemendur þjálfist í kennslu knattspyrnu. Áfanginn er bóklegur og verklegur.
Efnisatriði:
Knattspyrna. Knatttækni: tækniþjálfun, innanfótarspyrna, ristarspyrna, innanverð ristarspyrna, utanverð ristarspyrna,hælspyrna, móttaka, mótttaka með ýmsum líkamshlutum,knattrak, leikbrellur, að skýla bolta, sköllun, sköllun eftir uppstökk, tækling.
ÍÞRF2ÞJ05
Nemandi skal hafa öðlast þekkingu og skilning á:
leiðbeina börnum í knattspyrnu
muninum á þjálfun barna og fullorðinna í knattspyrnu
helstu þjálfunaraðferðum í knattspyrnu
Nemandi skal hafa öðlast leikni í að:
kenna knatttækni í knattspyrnu
kenna leikfræði knattspyrnunnar
beita flautu og dæma knattspyrnu
Nemandi skal geta hagnýtt þá almennu þekkingu og leikni sem hann hefur aflað sér til að:
sýna fjölbreyttar tækni- og leikæfingar í knattspyrnu
skipuleggja þjálfun fyrir börn og unglinga
nýta sér upplýsingatækni við skipulag knattspyrnu-þjálfunar
Námsmat er útfært í kennsluáætlun í samræmi við skólanámskrá.