Í þessum áfanga er fjallað um tvær undirgreinar sálfræðinnar; félags- og persónuleikasálfræði. Teknar eru fyrir ólíkar skilgreiningar á persónuleikahugtakinu. Mismunandi kenningar um mótun og eðli persónuleikans eru kynntar. Nemendur vinna með persónuleikapróf og verkefni þar sem þeir skoða sig út frá kenningum um persónuleikann og sjálfsmyndina. Í áfanganum er meðal annars farið í áhrif hópa og af hverju fólk breytir viðhorfum og atferli við mismunandi aðstæður. Kynntar eru rannsóknir á hlýðni og hvað hefur áhrif á hana. Nemendur framkvæma ýmis konar tilraunir sem tengjast grunnhugtökum félagssálfræðinnar.
SÁLF2IS05 Inngangur að sálfræði
Nemandi skal hafa öðlast þekkingu og skilning á:
nýjustu hugmyndum innan greinarinnar
sérsviði innan sálfræðinnar
sértækum hugtökum og kenningum
framlagi greinarinnar til samfélagsins.
Nemandi skal hafa öðlast leikni í að:
leggja sjálfstætt mat á ólíkar kenningar um persónuleikann
gagnrýna og meta mismunandi persónuleikapróf
fjalla um og bera saman kenningar um persónuleikann og sjálfsmyndina
nýta sér fræðilegan texta um sálfræði á íslensku og ensku
miðla á skýran og hlutlægan hátt fræðilegu efni
nýta fræðilegar heimildir á sviðinu.
Nemandi skal geta hagnýtt þá almennu þekkingu og leikni sem hann hefur aflað sér til að:
geta myndað sér skoðanir sem byggjast á gagnrýnni hugsun og tekið þátt í umræðum um sálfræði
tjá sig skipulega og gagnrýnið um einstaka efnisþætti
sýna frumkvæði í námi
geti beitt öguðum vinnubrögðum, tekið ábyrgð á námi og unnið í samvinnu við aðra
vinna úr og leggja mat á rannsóknargögn.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.