Persónuritun, rökfærsla, ritdómur, skáldverk, heimildanotkun. Jafnframt persónuritun og skáldlegri ritun er farið skref fyrir skref í hvernig vinna skal rannsóknarritgerð, þ.e. setja fram rannsóknarspurningu og svara henni, skrifa góðar efnisgreinar, meta heimildir, skrá tilvísanir og tilvitnanir og setja fram heimildaskrá.
ÍSLE1MB05 eða 9-10 í grunnskólaeinkunn.
Nemandi skal hafa öðlast þekkingu og skilning á:
byggingu málsgreina og efnisgreina
uppsetningu, byggingu og framsetningu ritsmíða
því að skrifa í skrefum
gildi þess að tjá hugsanir sínar og viðhorf í rituðu máli
hvernig færa á skipulega rök fyrir skoðun sinni
því ferli sem nauðsynlegt er til að koma hugmynd í form
heimildavinnu
Nemandi skal hafa öðlast leikni í að:
skrifa og byggja upp læsilegan texta á blæbrigðaríku máli og viðeigandi málsniði
nýta sér ábendingar varðandi eigin texta
nýta persónuleg skrif til sjálfseflingar
mynda sér skoðun og tjá hana á gagnrýninn hátt með rökum
afmarka viðfangsefni
setja fram rannsóknarspurningu
meta gildi og áreiðanleika heimilda og skrá þær
tengja tilvitnanir eigin umfjöllun og leggja út af þeim
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sköpunarkraft sinn
skrifa af hugmyndaauðgi
móta sér vandaðan persónulegan stíl
nýta sér uppbyggilega endurgjöf
taka gagnrýna afstöðu til samfélagslegra og siðferðilegra álitamála af umburðarlyndi og á jafnréttisgrundvelli
skrifa fullunna rannsókn þar sem hann setur fram kenningu, dregur ályktun út frá heimildum og setur fram niðurstöður sínar
temja sér nákvæm og vönduð vinnubrögð við heimildavinnu
takast á við ritun hvers kyns texta
Námsmat er útfært í kennsluáætlun í samræmi við skólanámskrá.