Í áfanganum er farið yfir klasahönnun og meðhöndlun hluta, villumeðhöndlun, gagnaskipan, reiknirit, endurkvæmni og myndrænt notendaviðmót með gluggum. Notast er við Java forritunarmálið.
FORR2GF05
Nemandi skal hafa öðlast þekkingu og skilning á:
hlutverkum klasa og hluta
tilviksbreytum, smiðum, hjúpun og aðferðum til að stilla og nálgast tilviksbreytur
aðferðum og yfirhleðslu þeirra og hlutum sem inntaki eða skilagildi aðferða
klasabreytum- og aðferðum
hreiðruðum klösum
erfðum, yfirtöku aðferða, Object klasanum, fjölbreytni, huglægum klösum og viðmóti
röðunarreikniritum (víxlunarröðun og valröðun) og endurkvæmni
myndrænu notendaviðmóti, ílátum, íhlutum, útlitsstjórum, atburðum og hlusturum
Nemandi skal hafa öðlast leikni í að:
brjóta viðfangsefni niður í smærri einingar með klösum
nota klasa til að leysa verkefni og þrautir
bregðast við villum á keyrslutíma
notfæra sér gagnaskipan, reiknirit og endurkvæmni við lausn verkefna
búa til einfalt myndrænt notendaviðmót með glugga, tökkum o.þ.h.
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa helstu hugtökum hlutbundinnar forritunar
meta hvernig best er að greina, hanna og forrita klasa
raða fylkjum með röðunarreikniritum
beita skipulegum aðferðum við að leysa úr viðfangsefnum og þrautum
sýna frumkvæði og frumleika við lausnir verkefna
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir skrifleg og verkleg verkefni. Skriflegt lokapróf.