Í áfanganum er unnið með þrívíða rúmfræði og hnitarúmfræði, stikun og ofanvarp, vigra og fylki, margflötunga og kúluhornafræði. Áhersla lögð á sannanir og notkun forrita við lausn stærðfræðilegra verkefna.
STÆR2HV05
Nemandi skal hafa öðlast þekkingu og skilning á:
línum, sléttum, hornum og fjarlægðum í þrívíðu rúmi
stikun og ofanvarpi
vigrum, fylkjum, innfeldi og krossfeldi
margflötungum og margflötungsreglu Eulers
hnitum og þríhyrningum á kúlufleti
Nemandi skal hafa öðlast leikni í að:
finna fjarlægðir og horn í þrívíðu rúmi
vinna með ofanvarp og stikun
vinna með margflötunga
finna horn og lengdir í þríhyrningum á kúlufleti
beita hjálpartækjum og forritum við lausn verkefna
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt ...sem er metið með... skilaverkefnum og munnlegu prófi
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta, þar með taldar sannanir í námsefni
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.