Nemandi lærir fjölbreytta grunntækni í vöðvanuddi sem beitt er með mismunandi ásetningi. Hann lærir að þekkja og skilja þau markmið sem vöðvanuddið byggir á. Unnið er markvisst með hvern líkamshluta og það síðan tengt saman í heild. Mikil áhersla er lögð á að nemandi gefi nuddvinnu sinni ásetning og læri að beita líkama sínum á áhrifaríkan hátt við nuddið.
VÖFR2VÖ06
Nemandi skal hafa öðlast þekkingu og skilning á:
hvaða þættir hafa áhrif á upplifun nuddþega af nuddi
markmiðum með klassísku vöðvanuddi
hvernig mismunandi ásetningur heilsunuddara endurspeglast í upplifun nuddþega af nuddi
hvernig nuddstrokum er beitt með legu og starfsemi helstu vöðva í huga
í hverju gæði heilsunudds felast
vinnuvistvernd og þeim takmörkunum sem eigið líkamsástand getur sett nuddmeðferðum
Nemandi skal hafa öðlast leikni í að:
beita nuddstrokum í formi sem myndar klassískt vöðvanudd
nota fjölbreyttar strokur í vöðvanuddi
nota hæfilegt magn af nuddolíu á nuddega og hafa lök þannig að nuddþega finnist hann ekki berskjaldaður
tengja huga sinn við sjálfan sig og viðfangsefni sitt
velja þá líkamshluta til vinnu, t.d. olnboga, hnúa eða fingur sem hæfir ásetningi vinnunnar hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
framkvæma vandað klassískt nudd með mismunandi ásetningi
sýna fagmennsku og þroskaða siðgæðisvitund við heilsunudd
greina alla þá þætti sem hafa áhrif á nuddmeðferð
temja sér áhrifaríka líkamsbeitingu við nuddborðið og sníða nuddmeðferðina að líkamlegum styrkleikum sínum
Ástundun, vinnuframlag, greiningarskýrsla og verklegt próf