Í áfanganum er fjallað um mismunandi tegundir og sérkenni sýkla. Fjallað er um byggingu sýkla, umhverfisþætti er móta útbreiðslu sýkla, smitleiðir og helstu flokka smitsjúkdóma. Farið er í grundvallaratriði í sértækum og almennum vörnum líkamans gegn sýklum og fjallað um hlutverk ónæmiskerfisins. Sýklalyf fá nokkra umfjöllun. Fjallað er um smitgát og reglugerðir um smitvarnir. Farið er í grunnþjálfun við meðferð og ræktun sýkla í tilraunastofu og skýrslugerð.
Nemandi skal hafa öðlast þekkingu og skilning á:
sögu og þróun sýklafræðinnar
mismunandi tegundum sýkla og sérkennum þeirra
helstu flokkum smitsjúkdóma
mismunandi aðferðum við ræktun og greiningu sýkla
helstu smitleiðum og eðli smitkeðju
aðferðum við dauð- og sótthreinsun og takmörkunum þeirra
helstu flokkum sýklalyfja, sérhæfðra og ósérhæfðra og verkun þeirra
grundvallaratriðum í hlutverki ónæmiskerfisins og helstu afleiðingum ónæmisröskunar
mismunandi tegundum bóluefna og verkun þeirra
almennum reglum og vinnubrögðum um smitgát, smitvarnir og mikilvægi handþvottar
Nemandi skal hafa öðlast leikni í að:
nota algeng fræðileg hugtök sem tengjast efni áfangans
tengja mismunandi umhverfisaðstæður sem við útbreiðslu smitsjúkdóma
þvo sér um hendur á réttan hátt
gera skýrslur
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra löskunaráhrif sýkla á mannslíkama
útskýra mismunandi smithæfni sýkla
útskýra smitgát og varnir í tengslum við smitsjúkdóma
forgangsraða og nýta þekkingu sína í sýklafræði í sérhæfðu starfi
miðla þekkingu um sýkla í leik og starfi á fjölbreyttan og jákvæðan hátt
Leiðsögn og símat. Kaflapróf, verklegar æfingar, skýrslugerð, lokapróf.