Viðfangsefni áfangans eru vísis- og lograföll, markgildi og deildun algengra falla. Áhersla er á að nemendur setji þekkingu á eiginleikum falla og reiknireglur í samhengi við myndræna framsetningu.
STÆR2HK05
Nemandi skal hafa öðlast þekkingu og skilning á:
Veldareglum með rauntöluveldisvísi
Vísis- og lograföllum sem og lograreglum
Samskeytingu falla og andhverfu falls
Markgildum falla og kannist við samfelldnihugtakið
Helstu tegundum aðfellna
Skilgreiningu á afleiðu
Deildareikningi og helstu reiknireglum um deildun
Afleiðum falla og hvaða upplýsingar afleiða falls gefur um feril þess
Nemandi skal hafa öðlast leikni í að:
Nota veldareglur til einföldunar og útreikninga
Leysa einföld verkefni þar sem vísisvöxtur eða –hnignun kemur fyrir
Leysa jöfnur þar sem vísis- og lograföll koma fyrir
Skeyta saman einföld föll og finna andhverfu einfaldra falla
Finna jöfnu snertils við graf falls
Leiða út formúlur fyrir afleiður einfaldra falla
Beita reiknireglum um deildun til að finna afleiður falla og deilda flóknar samsetningar af föllum sem hafa þekktar afleiður
Koma hagnýtum verkefnum um há- og lággildi í stærðfræðilegan búning og leysa þau
Teikna gröf gefinna falla og rökstutt teikningarnar með markgildis- og dieldarreikningi
Nemandi skal geta hagnýtt þá almennu þekkingu og leikni sem hann hefur aflað sér til að:
Setja margs konar verkefni upp með táknmáli stærðfræðinnar og leysa þau
Beita skipulögðum aðferðum við lausn verkefna og rökstutt aðferðir sínar
Skrá lausnir sínar skipulega og skiptast á skoðunum um þær við aðra
Átta sig á tengslum ólíkra aðferða við framsetningu
Vinna með merkingu og tengsl hugtaka í námsefninu
Beita frumkvæði, innsæi og frumleika við lausn verkefna
Lögð er áhersla á að hafa námsmat sem fjölbreyttast og það útfært þannig að það nái til sem flestra námsþátta. Leitast er við að nemendur komi sjálfir að matinu, s.s. með sjálfsmati og jafningjamati og að kennarar noti að stórum hluta leiðsagnarmat. Nánari útfærsla námsmats kemur fram í kennsluáætlun.