Í áfanganum er gerð grein fyrir helstu atriðum í eðlisfræði 20. aldar með áherslu á takmörkuðu afstæðiskenninguna, frumatriði skammtafræði, atóm og kjarneðlisfræði auk öreindafræði.
Efnisatriði: Viðmiðunarkerfi, afstæð mæling tíma, lengdar og massa. Svarthlutargeislun, ljóseind og ljósröfun. Atómlíkön Rutherfords og Bohrs. Orkuskömmtun og línulitróf. Skammtatölur og einsetulögmál Paulis. Röntgengeislun, Comptonhrif og leysir. Bindiorka kjarna. Geislavirkni og helmingunartími. Kjarnaklofnun og kjarnasamruni. Öreindir og grunnkraftarnir fjórir.
EÐLI2AV05
EÐLI2RB05
STÆR3DE05
Nemandi skal hafa öðlast þekkingu og skilning á:
orðaforða á ensku tengdum efni áfangans
sérhæfðum lögmálum, viðfangasefnum og orðfæri til að taka þátt í almennri umræðu um málefni nútímaeðlisfræði
forsendum og niðurstöðum takmörkuðu afstæðiskenningarinnar
þróun skammtafræði og atómlíkana
uppbyggingu atóma og rafeindaskipan
útgeilsun atóma, ljósröfun, Comtonhrifum og leysiverkun
tvíeðli efnis (agnir og bylgjur)
uppbyggingu kjarna og geislavirkni
öreindum og helstu kenningum um þær
Nemandi skal hafa öðlast leikni í að:
nota markverða tölustafi og viðeigandi einingar ásamt því að hagnýta og yfirfæra leikni milli flóknari stærðfræði og eðlisfræði til úrlausnar verkefna
setja fram og túlka myndir, gröf og töflur
tjá skoðanir sínar og verkefni á skýran hátt og rökstyðja í fræðilegu samhengi
leita sér heimilda um afmarkað efni/verkefni og nýta þær á viðeigandi hátt
skipuleggja og framkvæma verklegar æfingar og útskýra niðurstöður út frá verklýsingu/tilraunaseðli
vinna úr jöfnum takmörkuðu afstæðiskenningarinnar
reikna þröskuldsspennu og lausnarorku ljósröfunar
reikna bylgjulengd ljóss frá vetnisatómi
reikna bindiorku kjarna
reikna aldur út frá hrörnun geislavirkra kjarna
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum og bera ábyrgð á eigin námsframvindu
yfirfæra þekkingu úr öðrum námsgreinum til að auðvelda námið
meta hvort niðurstöður útreikninga og mælinga séu raunhæfar
tengja saman efnisþætti og beita skipulegum aðferðum við úrlausn flóknari viðfangsefna
greina nauðsynlegar upplýsingar úr safni upplýsinga, hagnýta þær og miðla þeim á viðeigandi formi (í mæltu eða rituðu orði, myndrænt eða í töflum)
útskýra, greina og draga ályktanir af niðurstöðum verklegra æfinga
tengja eðlisfræðina við daglegt líf og umhverfi og taka upplýsta afstöðu til siðferðilegra álitamála
taka þátt í faglegri umræðu og rökstyðja afstöðu til málefna er snerta vísindi, tækni og samfélag