Í áfanganum er lögð áhersla á lestur íslenskra fagurbókmennta, skáldsagna, á markvissan og greinandi hátt með því að nota bókmenntahugtök. Einnig að nemandi komi rökstuddri skoðun á verkunum á framfæri í ræðu og riti. Nemandi hefur áhrif á val skáldsagna.
Nemandi skal hafa lokið ÍSLENSKU á 2. þrepi.
Nemandi skal hafa öðlast þekkingu og skilning á:
hvað skilur að fagurbókmenntir og afþreyingarbókmenntir
beitingu bókmenntahugtaka
menningarlegu og fagurfræðilegu gildi bókmennta
að bókmenntir þroska málkennd og efla lesskilning
gildi bókmennta til persónulegs og félagslegs þroska
að bókmenntir efla siðferðisþroska
að bókmenntir efla sköpunarmátt
Nemandi skal hafa öðlast leikni í að:
lesa með gagnrýnum huga
mynda sér skoðun og rökstyðja hana með því að vitna í bókmenntatexta og vinna úr honum
skrifa bókmenntaritgerð
nýta sér bókmenntir til þroska og greiningar á samfélagi
nýta sér bókmenntir til að efla mannþekkingu og skilning á álitamálum
Nemandi skal geta hagnýtt þá almennu þekkingu og leikni sem hann hefur aflað sér til að:
nota bókmenntahugtök til að verða næmari og gagnrýnni lesandi
sjá samfélagið í skýrara ljósi t.d. hvað varðar lýðræði og jafnrétti
skilja betur fjölbreytta flóru mannlífsins
þroska persónuleika sinn
greina, meta og tjá sig um bókmenntaverk af þekkingu, víðsýni, ábyrgð og virðingu