Markmiðið er að nemendur hanni frumverk (prótótýpu) af vöru og/eða þjónustu. Markmiðið er að verkið uppfylli skilyrði nýsköpunar. Lögð er áhersla á að nemendur þjálfist í að fylgja eftir hugmynd á skipulagðan hátt að lokaútfærslu. Nemendur geta unnið verk sín í samvinnu eða tengslum við fyrirtæki, stofnanir og/eða á eigin forsendum. Farið er í ýmsa þætti varðandi hönnun. Nemendur taka þátt í sýningu og samkeppni.
HÖNN2HA05
HÖNS2HI05
Nemandi skal hafa öðlast þekkingu og skilning á:
helstu hugtökum og fagheitum hönnunarsviðsins
hönnunarferlinu, þörf-lausn-afurð
ákveðnum aðferðum í hönnunar-, iðn- og verkgreinum
hvernig hönnun, framleiðsla og markaðssetning helst í hendur
helstu aðferðum og hugmyndum varðandi vöru og vöruþróun
nýjum straumum í markaðs- og framleiðsluaðferðum
sambandi milli hugmyndar, hráefnis, tækni, aðferða og niðurstöðu
möguleikum og tækifærum við hönnun og framleiðslu
Nemandi skal hafa öðlast leikni í að:
vinna sjálfstætt og temja sér vönduð vinnubrögð
taka sjálfstæða ákvörðun varðandi verkefnaval og framkvæmd verksins
nýta aðferðir markvissrar hugmyndavinnu til að finna lausn á hönnunarverkefni
geta gert greinarmun á vöru sem er verksmiðjuframleidd og handunnin
geta nýtt sér vettvangsferðir og fyrirlestra í tengslum við námsefni og verkefnaval
geta miðlað almennri og sértækri þekkingu sinni með mismunandi aðferðum skrif-, munn- eða verklega
ná markaðslegri hugsun í verkefnum sínum
skipuleggja viðburði á sviði lista og hönnunar í formi kynninga, sýninga eða samkeppni
Nemandi skal geta hagnýtt þá almennu þekkingu og leikni sem hann hefur aflað sér til að:
geta unnið eftir ákveðnu ferli þar sem eitt vinnslustig tekur við af öðru
raungera hugmynd frá fyrstu hugdettu að lokaafurð/frumgerð
meta, prófa og rannsaka eigin verk út frá gildi þeirra
hafa frumkvæði að því að koma vinnu sinni á framfæri á fjölbreytilegan hátt
fjalla um og meta eigin verk og annarra á upplýstan og greinargóðan hátt og gera grein fyrir forsendum
Dagbók, vinnuskýrsla, þátttaka í sýningu og ástundun.