Í áfanganum læra nemendur textílhönnun og aðferðir við að vinna textíl bæði fyrir fatnað og textílvörur. Nemendur kynnast skapandi munsturgerð með mismunandi aðferðum, m.a. í tölvu. Nemendur eru þjálfaðir í notkun litaskala og þemavinnu við hönnun. Kynntar eru ýmsar aðferðir til að vinna yfirborð efna á skapandi hátt m.a. quilt, applíkering, bútasaumur, fríspor, útsaumur og aðrar óhefðbundnar aðferðir. Nemendur vinna vandaða hugmyndamöppu með prufum unnum með mismunandi aðferðum og útlistun á aðferðum. Út frá þeim vinna nemendur hugmyndavinnu og þjálfast í að vinna með þær á skapandi hátt. Lokaverkefni er unnið út frá þema og útfærð á vandaðan hátt í fullunna vöru. Nemendur sýna verk sín í lok annar og lögð er áhersla á faglega og hugmyndaríka framsetningu. Nemendur kynnast textílhönnuðum og textíllistamönnum bæði í tímum og í vettvangsferðum eftir því sem færi gefst .
TEXT2VA05
Nemandi skal hafa öðlast þekkingu og skilning á:
í hverju textílhönnun felst bæði fyrir fatnað og textílvörur
hugmyndum að mismunandi munstrum út frá munstureiningum á mismunandi hátt
hvernig litaskalar og þemavinna tengjast textílhönnun
mismunandi aðferðum við yfirborðsvinnu á textíl
skissu- og hugmyndavinnu að textílefnum og textílvörum
íslenskum og alþjóðlegum textílhönnuðum og textíllistamönnum
Nemandi skal hafa öðlast leikni í að:
vinna hugmyndir að textílefnum og textílvörum og koma þeim frá sér á vandaðan hátt
vinna með munstureiningar og setja þær saman í mismunandi munstur í tölvu
setja saman litaskala og tengja þá þemavinnu
vinna yfirborðsvinnu á textíl
afla sér upplýsinga um hönnuði og listamenn
Nemandi skal geta hagnýtt þá almennu þekkingu og leikni sem hann hefur aflað sér til að:
vinna hugmyndir að textílefnum og textílvörum og koma þeim frá sér á vandaðan hátt ...sem er metið með... verkefnum
tölvuvinna munstur í tengslum við þemu og litaskala ...sem er metið með... verkefnum
vinna textíl með mismunandi aðferðum ...sem er metið með... verkefnum
Símatið er byggt á vinnu annarinnar bæði í tímum og þeim verkefnum sem er skilað á önninni og í lok hennar ásamt vinnusemi, vandvirkni og almennri ástundun.