Lögð er áhersla á notkun teikniáhalda, lita og pappírs. Kennd eru undirstöðuatriði í litafræði og formteiknun ásamt fríhendisteikningu og skissugerð. Tískugínur eru teiknaðar í mismunandi stærðum. Æfð er áferðarteikning og skyggingar með blýöntum og litum. Kynntar eru fjölbreyttar aðferðir við gerð óhefðbundinna tískuteikninga. Þema- og litaspjöld ásamt tískuteikningum eru unnar jafnt í höndum sem og í tölvum. Hugmynda- og skissuvinna er unnin út frá þema. Nemendur vinna í skissubækur yfir önnina. Verk íslenskra og erlendra tískuteiknara eru skoðuð. Uppsetning og þátttaka í sýningu.
Engar.
Nemandi skal hafa öðlast þekkingu og skilning á:
notkun teikniáhalda og mismunandi eiginleikum lita og pappírs
aðferðum við teikningu á tískugínum
þemaspjöldum, handgerðum sem og í tölvum
skissuvinnu sem hluta af ferli við hugmyndavinnu
vinnslu tískuteikninga í höndum og í tölvum
aðferðum við að ná fram áferðum og skyggingum í tískuteikningum
óhefðbundnum aðferðum og verkfærum við teikningu
mikilvægi ferilmöppu
mikilvægi stöðugra æfinga til að ná framförum í teikningu
íslenskum og erlendum tískuteiknurum
Nemandi skal hafa öðlast leikni í að:
nota ýmis teikniáhöld og liti við gerð tískuteikninga
nota óhefðbundnar aðferðir við teikningu
útbúa þema- og litaspjöld jafnt í höndum og í tölvu
vinna hugmyndavinnu og teikna skissur út frá þema
nota tölvur við uppsetningu og frágang á tískuteikningum
beita aðferðum til að ná fram áferðum og skyggingum í teikningum
setja fram hugmyndir og ganga frá verkefnum í ferilmöppu
skoða og læra af erlendum og íslenskum tískuteiknurum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með þema- og litaspjöld og vinna úr hugmyndum í skissuformi ...sem er metið með... verkefnum
setja hugmyndir sínar og teikningar upp á fjölbreyttan hátt í höndum og í tölvum ...sem er metið með... verkefnum
teikna fjölbreyttar tískuteikningar og nota óhefðbundnar aðferðir til að ná fram stíl ...sem er metið með... verkefnum
setja tískuteikningar sínar upp til sýningar ...sem er metið með... verkefnum
vinnu hugmynda út frá þema ...sem er metið með... verkefnum
Verkefnaskil yfir önnina. Skila á öllum verkefnum uppsettum í ferilmöppu fyrir lokamat í lok annar.