Áfanginn er ætlaður til undirbúnings lokaverkefnis nemenda á bóknámsbrautum. Efni hans er skipt í fjórar sjálfstæðar námslotur.
1. lota: Hvað er nýsköpun?
2. lota: Sköpunarverkefni - List/handverk - FabLab - sjálfbærni
3. lota: Félagsleg nýsköpun
4. lota: Hugmyndasmiðja þar sem hugað er að lokaverkefni, tengingu þess við grunnþætti, námsgreinar, fyrra nám og reynslu og framtíðarsýn. Nemendur hópa, vinna við afmörkun hugmynda að lokaverkefni og gera fyrstu drög að verkáætlun.
Nemendur þurfa að hafa lokið um 2/3 hlutum náms til stúdentsprófs.
Nemandi skal hafa öðlast þekkingu og skilning á:
forsendum nýsköpunar- og frumkvöðlamenntar
því sem felst í nýsköpunarferli
samfélagslegu mikilvægi nýsköpunar- og frumkvöðlastarfsemi
mikilvægi samvinnu ólíkra einstaklinga í nýsköpunarferli
mikilvægi skipulagningar í nýsköpunarferli
siðferðilegum spurningum sem kvikna í tengslum við nýsköpun og frumkvöðlastarf
Nemandi skal hafa öðlast leikni í að:
hugsa lausnamiðað
hrinda hugmyndum í framkvæmd
leita samstarf við sérfróða aðila við framkvæmd hugmynda
kynna hugmyndir sínar fyrir hagsmunaaðilum á fjölbreyttan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
virkja sköpunarkraft sinn og frumkvæði á samfélagslega ábyrgan hátt ...sem er metið með... hóp- og einstaklingsverkefnum og þátttöku í umræðum
skipuleggja nám sitt á ábyrgan hátt með vísan til skýrrar framtíðarsýnar á sviði nýsköpunar ...sem er metið með... verkefnum í verkefnamöppu
skipuleggja og halda utan um vinnuferli ...sem er metið með... verkefnum í verkefnamöppu
afla sér, vinna úr og miðla upplýsingum á fjölbreyttan og gagnrýninn hátt ...sem er metið með... verkefnum í verkefnamöppu
ástunda fræðileg vinnubrögð og gott vinnusiðferði ...sem er metið með... hóp- og einstaklingsverkefnum og þátttöku í umræðum
Áfanginn er símatsáfangi. Nemandi heldur verkefnamöppu (rafrænt) þar sem hann safnar saman öllum gögnum sem verða til í áfanganum. Þátttaka í hópvinnu er metin og vinnuframlag hvers og eins er metið með jafningjamati. Leiðbeinandi leitast við að gefa nemanda reglulega endurgjöf með samtölum við hann.