Heilsufélagsfræði er viðfangsefni áfangans. Áhersla er lögð á að nemendur öðlist skilning á helstu hugtökum og hugmyndafræði greinarinnar. Fjallað er um hvernig menning og samfélag hafa áhrif á heilsufar. Skilgreiningar á heilbrigði eru skoðaðar út frá mismunandi kenningum og áhrifaþættir heilbrigðis kynntir. Ójöfnuður í heilbrigðiskerfinu er tekinn fyrir og fjallað um stjórnvaldsaðgerðir til heilsueflingar. Nemendum verða kynnt helstu hugtök heilsufélagsfræðinnar t.d. siðbinding, fagmennska, fagræði, sjúkdómsvæðing, sjúklingshlutverk, veikindahegðun, félagsleg flokkun og stimplun sjúkdóma.
FÉLA2BY05_7 (FÉL2A05)
Nemandi skal hafa öðlast þekkingu og skilning á:
skilgreiningum á heilbrigði
áhrifaþáttum heilbrigðis
sýn ólíkra kenninga á heilsufesti
rannsóknum á heilsu og sjúkdómum
Nemandi skal hafa öðlast leikni í að:
beita ólíkum kenningum á heilsu og veikindi
finna og leggja sjálfstætt mat á rannsóknir í heilsufélagsfræði
fjalla um og bera saman kenningar um heilsu
ræða um viðfangsefni heilbrigðismála
meta tengsl lífsstíls, félagslegs umhverfis og heilbrigðis
Nemandi skal geta hagnýtt þá almennu þekkingu og leikni sem hann hefur aflað sér til að:
mynda sér skoðanir sem byggjast á gagnrýnni hugsun og tekið þátt í umræðum um heilsu og samfélag
tjá sig skipulega og gagnrýnið um einstaka efnisþætti í rituðu og töluðu máli
afla sér upplýsinga um heilsu og samfélag, greina helstu atriði þeirra og hagnýta sér
beita öguðum vinnubrögðum, taka ábyrgð á námi og unnið í samvinnu við aðra
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.