Í áfanganum eru fjölbreytt viðfangsefni. Áhersla er á menningarheim barna og unglinga. Fjallað er um ýmsar bókmenntategundir s.s. myndabækur, barna- og unglingabækur, teiknimyndasögur, þjóðsögur og ævintýri. Skoðaðar eru myndskreytingar í barnabókum. Bækurnar eru skoðaðar með augum gagnrýnandans með tilliti til fjölmenningar, jafnréttis og stöðu kynjanna. Nemendur styðjast við verkfæri bókmenntagreiningar til að kryfja efnið. Barnaefni sjónvarpsstöðvanna er skoðað. Bornir eru saman leikir barna nú og fyrr á tímum. Einnig er fjallað um ljóð fyrir börn og ýmsa aðra afþreyingu eins og tölvuleiki og spil. Lögð er áhersla á þjálfun og færni í ritun.
ÍSLE2NH05 og
ÍSLE2RR05
Nemandi skal hafa öðlast þekkingu og skilning á:
mismunandi tegundum barnabókmennta
mikilvægi ævintýra, þjóðsagna, leikja og ljóða í menningu þjóða
mikilvægi gagnrýninnar hugsunar við val á barnabókum
mikilvægi þess að börn lesi og að lesið sé fyrir þau
þætti myndskreytinga í barnabókum
því hvernig beita má bókmenntagreiningu til að öðlast dýpri skilning á bókmenntaverkum
því hvers konar afþeying er í boði fyrir börn
því að færa rök fyrir skoðun sinni á skipulegan hátt
heimildavinnu
Nemandi skal hafa öðlast leikni í að:
fjalla af skilningi og þekkingu um barnabókmenntir
notfæra sér bókmenntagreiningu í umfjöllun um verk
greina verk á gagnrýninn hátt t.d. út frá fjölmenningu, jafnrétti og stöðu kynjanna
fjalla af skilningi og þekkingu um afþreyingu barna og unglinga
átta sig á hvað einkennir jákvæða/heppilega afþreyingu
mynda sér skoðun á efni fyrir börn og tjá hana á gagnrýninn hátt með rökum
skrifa heimildaritgerð og styttri texta um barnaefni
Nemandi skal geta hagnýtt þá almennu þekkingu og leikni sem hann hefur aflað sér til að:
velja á gagnrýninn hátt lesefni handa börnum og unglingum
meta með gagnrýnum huga barnaefni af ýmsu tagi
greina hvað er heppilegt efni fyrir börn og unglinga miðað við aldur og þroska
miðla til annarra menningarlegu efni
rökstyðja skoðun sína á barnaefni og vera tilbúinn að rökræða hana
túlka, greina og beita gagnrýninni hugsun við lestur ýmiss konar texta og myndefnis fyrir börn
Námsmat er útfært í kennsluáætlun í samræmi við skólanámskrá.