Í áfanganum læra nemendur um tölvustýrða tækni og samskiptaferlið milli tölvu og framleiðslutækja á borð við vatns- og laserskurðarvéla, fræsara og þrívíddarprentara. Nemendur læra grunnatriði í forritun og gera tilraunir með notkun örtölva og þau forrit sem stýra þeim. Skoðuð eru fyrirtæki sem nýta sér tölvutækni við framleiðslu sína og starfsemi, allt frá framleiðslufyrirtækjum yfir í tölvuleiki. Í lok áfangans vinna nemendur verkefni sem felst í að hanna og útbúa hlut með ákveðna virkni sem stýrt er af örtölvu. Nemendur kynna verkefnið fyrir öðrum og huga að markaðssetningu í tengslum við frekari þróun. Áhersla er lögð á endurnýtingu á efnum og farið er yfir þau áhrif sem framleiðsla almennt hefur á náttúrulegar auðlindir og samfélagið.
Gott er að hafa tekið áfangann HÖNN1HH05 (11) á undan en það er þó ekki nauðsynlegt.
Nemandi skal hafa öðlast þekkingu og skilning á:
grunnatriðum forritunar
grunnatriðum stýrirása
hvernig hægt er að nýta tækni og skapandi hugsun til að þróa hugmynd í átt að áþreifanlegum hlut.
Nemandi skal hafa öðlast leikni í að:
vinna með örtölvur og aðra tölvustýrða tækni
beita aðferðum sem hjálpa honum að takast á við nám eða vinnu í nýskapandi umhverfi
kynna hugmyndir og verkefni fyrir öðrum.
Nemandi skal geta hagnýtt þá almennu þekkingu og leikni sem hann hefur aflað sér til að:
þróa hlut/vöru með hagnýtt gildi ...sem er metið með... kynningu á virkni hlutarins/vörunnar
gera sér grein fyrir mikilvægi sjálfbærni í hönnun og framleiðslu ...sem er metið með... kynningu á afurð.
Í áfanganum er gert ráð fyrir leiðsagnarmati sem byggir á því að nemandi fá með reglulegum og skipulegum hætti upplýsingar um hvar hann stendur í náminu. Meðal námsmatsþátta eru kynningarverkefni og skilamappa (portfolio).