Í áfanganum verður farið yfir helstu grunndvallaratriði í líffæra- og lífeðlisfræði. Farið verður yfir eftirfarandi líkamskerfi:
Hringrásarkerfið (samsetning blóðsins, uppbygging og starfsemi hjartans og hringrásir blóðs og vessa)
Öndunarkerfið (bygging og hlutverk öndunarfæranna, stjórn öndunar og loftskipti í lungum og vefjum)
Meltingarkerfið (bygging og hlutverk meltingarfæranna og melting orkuefnanna)
Þvagfærakerfið (bygging og hlutverk þvagfæranna, ferill þvagmyndunar og stilling þvagmagns)
Æxlunarkerfið (bygging og hlutverk æxlunarfæranna, samsetning sæðis og þroskaferill eggfrumu)
Inngangur að náttúruvísindum
Nemandi skal hafa öðlast þekkingu og skilning á:
byggingu, starfsemi og hlutverkum hringrásar-, vessa-, meltingar-, öndunar-, þvagfæra- og æxlunarkerfis
eðliseinkennum blóðs og hlutverki þess í líkamanum
megingerðum blóðfrumna, einkennum þeirra, hlutverki og myndunarstað
byggingu hjartans og eðli hjartsláttar
þeim þáttum sem ákvarða og stjórna blóðþrýstingi
Nemandi skal hafa öðlast leikni í að:
rekja blóðstreymið um hjartað
fylgja eftir flæði vessa um kerfið
rekja leið innönundarloftsins og lýsa stjórn öndunar
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra leiðir blóðs um líkamann
útskýra ferli inn- og útöndunar
útskýra frjóvgun og fyrstu daga fósturþroskans
Í áfanganum er leiðsagnarmat með símat alla önnina. Öll verkefni gilda til einkunnar (nema annað komi fram). Kaflapróf er tekið úr hverjum kafla (kafli 20 og 21 saman) og þurfa nemendur að fá lágmarkseinkunina 5,0 að meðaltali úr þessum prófum (alls 10 próf) til að eiga möguleika á að standast áfangann (þessi próf eru stutt og án allra gagna). Þrjú hlutapróf (kafli 11-14, 15-17 og 18-21) eru tekin yfir önnina úr námsefninu og þurfa nemendur að fá lágmarkseinkunina 5,0 að meðaltali úr þessum prófum (alls 3 próf) til að eiga möguleika á að standast áfangann (þessi próf eru lengri og nemendur geta notað öll gögn).