Atferli, hugsanir og viðhorf eru skoðuð í félagslegu samhengi. Meðal efnisþátta sem teknir eru fyrir eru staðalmyndir, fordómar, hjálpsemi, hlýðni, félagslegur þrýstingur, ást og fortölur.
Kenningar og staðreyndir um greind, vitsmunaþroska og greindarmælingar eru kynntar auk þess sem fjallað er um nokkrar gerðir greindarprófa.
Mismunandi persónuleikakenningar eru skoðaðar, fjallað um mismunandi tegundir persónuleikaprófa og gerð tilraun til að útbúa persónuleikapróf.
Áhersla er lögð á að nemandi geti tekið sjálfstæða, vel rökstudda afstöðu til álitamála varðandi félagssálfræði, persónuleikasálfræði og greind.
A.m.k. 10 einingar í sálfræði á 2.þrepi.
Nemandi skal hafa öðlast þekkingu og skilning á:
félagssálfræði, helstu hugtökum hennar og rannsóknarniðurstöðum
greindarhugtakinu og mismunandi kenningum um greind
persónuleikanum og ólíkum kenningum um hann
mismunandi skoðunum fræðimanna á sálfræðilegum prófum og notkun þeirra
áhrifum erfða og umhverfis á mótun mannlegra eiginleika
Nemandi skal hafa öðlast leikni í að:
greina samskiptamynstur einstaklinga og hópa í umhverfi sínu
útbúa drög að sálfræðilegum prófum og leggja mat á þau
framkvæma sálfræðirannsókn og setja niðurstöður fram í skýrslu og fyrirlestri
undirbúa og taka þátt í rökræðum um efni áfangans
leggja mat á eigin vinnu og vinnu annarra nemenda í áfanganum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja betur viðhorf og hegðun við mismunandi aðstæður, bæði hjá sjálfum sér og öðrum
taka afstöðu til og rökræða málefni sem tengjast sálfræðinni
miðla því sem hann hefur lært í áfanganum
vinna sjáfstætt úr sálfræðilegum gögnum og leggja mat á þau