Markmið áfangans er að örva sköpunarkraft og auka djörfung nemenda og dug til að kasta sér út í ný verkefni þar sem útkoma er ekki fyrirfram gefin. Kostur er að verkefnin séu fjölbreytt og nemendur velji eitthvað sem þeir hafa áhuga á og gætu hugsað sér að vinna við eða að minnsta kosti nýta sér. Miðað er við að afþreyingin sé á sviði menningar og lista, tengist náttúru, íþróttum eða annarri hreyfingu en raunar takmarkast viðfangsefnin aðeins af hugmyndaflugi nemenda. Stundum tengist afþreying félags- eða tómstundastarfi en alls ekki alltaf. Farið verður í grunnatriði sem hafa verður í huga við skipulagningu verkefna, svo sem verkáæltun, kostnaðaráætlun, skilgreiningu markhóps og markaðssetningu.
Nemandi skal hafa öðlast þekkingu og skilning á:
hugarflæði við hugmyndavinnu
helstu þáttum afþreyingar í nærsamfélagi
mikilvægi góðra skilgreininga á hugmynd og verkefni
mikilvægi áæltunar varðandi markhóp, verkþætti og kostnað
gildi þess að hugsa í lausnum
Nemandi skal hafa öðlast leikni í að:
virkja hugmyndaflugið
meta hvaða upplýsinga og gagna er þörf við sköpun nýs verkefnis
starfa í hóp þar sem virðing og jákvæð samskipti einkenna ákvarðanatöku
deila réttlátlega ábyrgð á einstökum verkþáttum
kynna eigin hugmyndir og verkefni
Nemandi skal geta hagnýtt þá almennu þekkingu og leikni sem hann hefur aflað sér til að:
hugsa lausnamiðað
gera verkáætlun sem hentar því verkefni sem hugmynd er að
skipuleggja starf í hópi þannig að kraftar hvers og eins nýtist og allir séu sáttir við sinn hlut
ráðast í verkefni þar sem árangur er óviss
kynna eigin vinnu þannig að höfði til markhóps
Símat fer fram alla önnina og gilda verkefni sem skilað er á fyrri hluta annar helming á móti framlagi á kynningu í lok annar þar sem afrakstur vinnunnar í síðari hluta áfangans er sýndur.