Í þessum fyrsta áfanga í efnafræði fyrir nemendur á náttúruvísindabraut verður farið í grunnatriði almennrar efnafræði. Frumefni, atóm, jónir og sameindir, lotukerfið, rafeindaskipan og efnatengi, nafnakerfi ólífrænna efna, efnahvörf og efnajöfnur, mólhugtakið, lausnir, gas og magnútreikninga.
Gert er ráð fyrir að nemendur hafi náð góðum tökum á meðferð talna, SI einingakerfinu og markverðum stöfum.
Einnig að þeir þekki lotukerfið, efnatákn og uppbyggingu atóma úr námsefni grunnskólans.
Nemandi skal hafa öðlast þekkingu og skilning á:
uppbyggingu atóma, jóna og sameinda
efnatáknum og lotukerfinu
rafeindaskipan og efnatengjum
nafngiftarreglum ólífrænna efna
efnajöfnum og efanhvörfum
mólhugtakinu
mólstyrk efna í vatnslausn
gaslögmálinu og hagnýtingu þess
magnútreikningum í tengslum við efnahvörf
Nemandi skal hafa öðlast leikni í að:
nota lotukerfi til að finna upplýsingar um uppbyggingu atóma og jóna og massa þeirra
flokka efni sem efnablöndu eða hreint efni (frumefni, sameindaefni eða jónefni) og greina efnatengi í jónatengi og samgild tengi
gefa efnum nafn út frá efnaformúlu þeirra og öfugt
spá fyrir um myndefni einfaldra sýru-basa hvarfa, útfellingahvarfa og oxunar-afoxunar efnahvarfa
setja upp efnajöfnu og stilla hana
beita hlutfallareikningi í tengslum við magnútreikninga í efnahvörfum
reikna út mólstyrk efna í vatnslausnum
nota gasjöfnuna við útreikninga t.d. á mólafjölda, þrýstingi, rúmmáli og hita, bæði eina sér og í tengslum við stillta efnajöfnu.
framkvæma verklegar æfingar, vinna úr niðurstöðum og skrifa skýrslur
Nemandi skal geta hagnýtt þá almennu þekkingu og leikni sem hann hefur aflað sér til að:
takast á við frekar nám í efnafræði og öðrum raungreinum
meta hvort niðurstöður mælinga og útreikninga séu raunhæfar
gera sér grein fyrir samspili efnafræði, stærðfræði og annarra náttúrufræðigreina
tengja efnafræðina við umhverfi sitt og sjá notagildi hennar
skiptast á skoðunum við aðra um mælingar og niðurstöður og ræða og útskýra hugmyndir
viðhafa nákvæmni og skipuleg vinnubrögð við mælingar og tilraunavinnu sem og við gagnaúrvinnslu og skýrslugerð
sýna sjálfstæði í vinnubrögðum og bera ábyrgð á eigin námsframvindu.
Námsmat byggist á skriflegum og verklegum æfingum með áherslu á leiðsagnarmat.