Í þessum áfanga er áfram lögð áhersla á að nemendur tileinki sér undirstöðuatriði tungumálsins: Strax frá upphafi eru nemendur þjálfaðir í lesskilningi ásamt samskiptaþáttunum tali, hlustun og ritun. Áhersla er lögð á réttan framburð, uppbyggingu orðaforða og að þjálfa grunnatriði málfræðinnar. Menningu spænskumælandi landa er fléttað inn í kennsluna.
Í áfanganum er gert ráð fyrir fjölbreyttri verkefnavinnu þar sem nemendur vinna ýmist einir eða í hópum. Unnið er bæði með raunefni og kennsluefni í mynd, video- og textaformi, svo sem tónlist, samtöl, fræðsluefni, blaðagreinar og auglýsingar, svo dæmi sé tekið. Markmiðið er að auka læsi nemenda á hinn spænskumælandi menningarheimi og gera þeim kleift að nota tungumálið til þess að geta tjáð sig á einfaldan hátt og nýtt sér það til að afla sér upplýsinga og þekkingar.
Áfanginn verður kenndur með dreifnámsniði. Mjög mikilvægt er að nemendur skilji mikilvægi þess að mæta í tímana samkvæmt stundatöflu áfangans og vinna þau verkefni sem verða lögð fyrir inn í kennsluumsjónarkerfinu. Kennarinn mun vera til staðar á skype og/eða spjalli, verður með innleg einu sinni í viku sem tekið verður upp og verður til staðar fyrir nemendur sem ekki hafa tök á að vera með í tíma eða þá sem vilja aðeins rifja upp það sem sagt var í tíma. Áhersla er lögð á að nemendur beri ábyrgð á sínu eigin námi og sýni sjálfstæð vinnubrögð.
Námsefnið er þemaskipt og í þessum áfanga verður unnið með 4 þemu:
Mi casa, mi pueblo y mi región.
Comida y bebida.
Ciudades, paises y viajes.
Nemendur velja þemu eftir áhuga og vinna verkefni tengd þeim.
Málfræðiatriði og æfingar verða þó sameiginleg. Verður útskýrt nánar.
5 einingar í spænsku á 1. þrepi
Nemandi skal hafa öðlast þekkingu og skilning á:
menningu þeirra landa þar sem spænska er töluð
almennum orðaforða og einföldum setningum
mál- og samskiptavenjum
grunnatriðum í spænskri málfræði
tungumálinu og útbreiðslu þess
Nemandi skal hafa öðlast leikni í að:
skilja almennt talað mál þegar talað er skýrt og greinilega
nota einfaldan orðaforða til að tjá sig um og lýsa hvernig og hvar hann býr og nefna séreinkenni þess
nota einfaldan orðaforða til að tjá sig um mat og drykk og bera saman
nota einfaldan orðaforða til að segja fra borgum, löndum og tala um ferðalög
afla sér upplýsinga um og tjá sig um sjálfvalin málefni sem tengjast hinum spænskumælandi heimi
nota tungumálið í einföldum samræðum
lesa texta um efni sem hann þekkir og tileinka sér ný orð í textanum
skrifa stuttan samfelldan texta um efni sem unnið hefur verið með
nota meginreglur í málfræði
koma auga á blæbrigði spænskumælandi menningar
Nemandi skal geta hagnýtt þá almennu þekkingu og leikni sem hann hefur aflað sér til að:
halda samtali gangandi og beita viðeigandi mál- og samskiptavenjum
skilja talað mál um kunnuglegt viðfangsefni m.a. úr útvarpi og sjónvarpi
lesa stuttar blaða- og tímaritsgreinar og geta dregið ályktanir af því sem hann les
skrifa texta bæði frá eigin brjósti og samantektir á tilteknu efni
geta borið saman eigin og framandi menningu
auka meðvitund um eigin leiðir til að tileinka sér tungumálið
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.