Nemendur kynnast norrænni goðafræði og hugmyndaheimi norrænna manna til forna og þróun tungumálsins. Lesa ólíka texta frá ýmsum tímabilum. Nemendur fá þjálfun í munnlegri tjáningu og ritun. Áhersla er lögð á að nemendur þjálfist í úrvinnslu heimilda um sérhæfð efni. Nemendur læra grunndvallarhugtök í setningafræði.
Að nemendur hafi lokið grunnskólaprófi.
Nemandi skal hafa öðlast þekkingu og skilning á:
fornum hugmyndaheimi norrænna manna, norrænum goðum og sögum af þeim
sögu íslenskrar tungu frá upphafi til okkar daga, einkennum hennar og tengslum við önnur tungumál
mikilvægi vandaðra vinnubragða við úrvinnslu heimilda
fjölbreyttum tegundum texta
hugtökum í bókmenntafræði og bragfræði í umfjöllun um bókmenntir
Nemandi skal hafa öðlast leikni í að:
nota fræðibækur og -greinar við gerð heimildaritgerða og verkefna
vitna í heimildir, vísa til þeirra og skrá á viðeigandi hátt
nota bókmenntafræðileg hugtök við greiningu og túlkun
tjá skoðanir sínar á námsefninu með skipulögðum og rökstuddum hætti
lesa sér til gagns og gamans mismunandi tegundir texta og fjalla um inntak þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á gildi heimilda og vinna úr þeim með skipulögðum hætti
greina og túlka bókmenntatexta og færa rök fyrir skoðunum sínum jafnt munnlega sem skriflega
skrifa vandaðan texta á góðu og blæbrigðaríku máli
vinna sjálfstætt og í samvinnu við aðra
Námsmat er byggt á leiðsagnarmati þar sem vinna nemandans er metin jafnóðum allan námstímann. Nemendur vinna fjölbreytt verkefni, skrifa heimildaritgerð, flytja fyrirlestra og leysa ýmsar kannanir og/eða próf.