Í þessum valáfanga í líffræði fyrir náttúruvísindabraut nýtir nemandinn þá þekkingu og færni sem hann hefur aflað sér í fyrri líffræðiáföngum og öðrum námsgreinum við vinnu að fjölþættum úrlausnarefnum og verkefnum. Meginmarkmið áfangans er að nemandinn geti einn eða í teymi, aflað sér viðhlítandi þekkingar úr viðurkenndum heimildum og með eigin rannsóknum. Að nemandinn geti mótað eigin afstöðu studda rökum leiddum af þekkingaröfluninni sem áfanga til sköpunar nýrra hugmynda, við úrlausn flóknari verkefna eða til að afla nýrrar þekkingar.
Nemandi skal hafa öðlast þekkingu og skilning á:
Mörgum og sérhæfðum sviðum líffræðinnar allt eftir áhugamálum nemandans hverju sinni og því sem umhverfið hefur upp á að bjóða
mismunandi umfjöllun um líffræðileg efni, svo sem við kynningar á starfsemi fyrirtækja og stofnana (vettvangsheimsóknir), sem og munnlegar heimildir, úr kennslubókum, fjölmiðlum, fræðiritum og á netinu
undirbúningi og skipulagi rannsóknar frá tímaáætlun til kynningar á niðurstöðum
mikilvægi rökstuddrar afstöðu sem byggir á viðurkenndum heimildum og athugunum
hvað felst í miðlun upplýsinga, í töluðu máli og rituðu
þýðingu úr erlendum fræðiritum um þrengri svið líffræðinnar
mikilvægi rannsókna á sviði náttúruvísinda
Nemandi skal hafa öðlast leikni í að:
gera raunhæfar áætlanir um rannsóknaraðferðir, einn eða í teymi
framkvæma rannsóknaráætlun
setja fram niðurstöður og vinna úr þeim
draga ályktanir studdar rökum frá heimildum og rannsóknarniðurstöðum
færa munnleg rök fyrir máli sínu
miðla upplýsingum til annarra, munnlega og skriflega
fjalla um mismunandi líffræðileg efni með viðeigandi heimildum
gagnrýni (rýni til gagns)
nýta sér rannsóknartæki og hugbúnað í tengslum við líffræðinám og rannsóknir ásamt upplýsinga- og samskiptatækni
Nemandi skal geta hagnýtt þá almennu þekkingu og leikni sem hann hefur aflað sér til að:
auka skilning sinn á líffræðilegum viðfangsefnum og samtengingu þeirra við aðrar fræðigreinar
að greina uppruna upplýsinga og gagnrýna þær með tilliti til áreiðanleika heimildanna
undirbúa og framkvæma rannsókn samkvæmt hinni vísindalegu aðferð
geta tekið rökstudda afstöðu til dægurmála er tengjast sem flestum sviðum líffræðinnar
tengja undirstöðuþekkingu í líffræði við daglegt líf, samfélags- og umhverfislega þætti og sjá notagildi hennar
að viðhafa gagnrýna hugsun
að dreifa fróðleik (þekkingu) sem aflað er af heiðarleika og með vísindalegum aðferðum
verða frumkvöðull eftir eigin visku og hugviti
Námsmat í áföngum Menntaskólans á Ísafirði er í höndum kennara viðkomandi áfanga en fyrirkomulag námsmatsins þarf að rúmast innan þess ramma sem kemur fram í handbók skólans.
Vikuleg verkefni verða unnin þar sem nemendur vinna sjálfstætt og í hópum, m.a. að öflun og miðlun þekkingar á greinargóðan hátt. Lokaverkefni á seinni hluta annar, felur í sér eigin hugmynd nemanda að rannsóknarverkefni (einstaklingsverkefni), skipulag og framkvæmd rannsóknar samkvæmt hinni vísindalegu aðferð og kynning niðurstaða og ályktana með veggspjaldi og/eða fyrirlestri. Nemendur vinna ferilritun og skila ferilmöppu. Meðaltal einkunna fyrir vikuleg verkefni, lokaverkefnið og ferilmappa (ásamt mætingum) gildir hvert um sig 33% til lokaeinkunnar.