Markmið áfangans er að nemendur öðlist þekkingu á grundvallarþáttum næringarfræðinnar, verði færir um að draga sjálfstæðar ályktanir um hvað sé hollt og hvað óhollt og verði meðvitaðir um eigin ábyrgð á góðri næringu og heilsu. Að áfanga loknum á nemendum að vera ljóst hvers virði góðar neysluvenjur eru fyrir Íslendinga sem heilbrigða þjóð. Þeir eiga að loknum áfanganum að vera færir um að mynda sér skoðanir á næringu og lífsstíl og hvernig nýta megi ráðleggingar um mataræði og næringarefni.
Engar
Nemandi skal hafa öðlast þekkingu og skilning á:
hlutverki næringarefnanna, dagsþörfum einstaklinga og skortseinkennum.
ráðleggingum um mataræði og næringarefni fyrir almenning.
rannsóknum á mataræði Íslendinga.
tengslum næringar við sjúkdóma og heilsu fólks.
næringu fyrir sérstaka hópa fólks, svo sem ungbörn, þungaðar konur, aldraða og íþróttafólk.
sérfæði fyrir sjúklinga.
innihaldslýsingum matvæla og merkingum um næringargildi.
samsetningu matseðla og hvernig hægt er að reikna út orku og næringarefnainnihald.
Nemandi skal hafa öðlast leikni í að:
nýta ráðleggingar um mataræði og næringarefni til að setja saman matseðla og skipuleggja eigið mataræði.
afla sér áreiðanlegra upplýsinga í sambandi við heilsusamlegt mataræði.
lesa innihaldslýsingar og næringargildislýsingar matvæla.
reikna út orku og næringarinnihald matvæla.
setja saman matseðla fyrir mismunandi hópa fólks.
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér heilsusamlegt mataræði sem metið er með matardagbókum, verkefnum og skriflegu prófi.
útskýra munnlegar og myndrænar ráðleggingar um mataræði og næringarefni fyrir öðrum sem metið er með umræðum og rökstuðningi.
meta áreiðanleika upplýsinga um heilsusamlegt mataræði sem metið er með umræðum, rökræðum og upplýsingaleit.
meta hollustugildi matvæla út frá innihaldslýsingum og næringargildislýsingum sem metið er með búðarheimsókn, verklegum æfingum og umræðu.
skipuleggja heilsusamlegt mataræði fyrir mismunandi hópa fólks sem metið er með matseðlagerð, útreikningum á mataræði og kynningum nemenda.
Námsmatið byggir mikið á verkefnavinnu en einnig prófum. Nemendur æfa sig í að reikna út orkuinnihald og næringargildi, túlka ráðleggingar um mataræði og merkingar matvæla, setja saman matseðla og ráðleggja mismunandi hópum fólks um mararæði. Mikill tími fer í umræður þar sem áreiðanleiki upplýsinga um næringu og hollustu er ræddur. Sum verkefni þurfa nemendur að kynna fyrir samnemendum sínum.