Uppeldisfræði, kynning á aðferðum í uppeldisfræðum
UPPE4KU05
1
uppeldisfræði
Uppeldisfræði, kenningar, saga, sjónarmið
Samþykkt af skóla
4
5
Í áfanganum kynnast nemendur muninum á eigindlegum og megindlegum rannsóknaraðferðum og vinna að tveimur litlum rannsóknarverkefnum eða þemum sem tengjast uppeldisaðstæðum íslenskra barna. Viðfangsefni geta t.d. verið fötluð börn, barnaefni í fjölmiðlum, tómstundir ungra barna, listir og menning, kynbundinn munur. Nemendur munu setja fram hugmyndir að viðfangsefnum þannig að áhugi stýri vali þeirra. Áhersla er lögð á leiðsögn við meðferð og úrvinnslu gagna sem nemendur afla. Nemendur velja þann tjáningarmáta sem þeim þykir henta best til að sýna hæfni sína. Við mat á niðurstöðum tekur kennari mið af vinnuferli en ekki eingöngu lokaniðurstöðu.
UPP 103, UPP 203, UPP 313, DÆD 103, STÆ233
Nemandi skal hafa öðlast þekkingu og skilning á:
eigindlegum rannsóknaraðferðum.
megindlegum rannsóknaraðferðum.
gagnaöflun í tengslum við rannsóknir.
tengslum fræðilegs efnis við eigin rannsóknargögn.
meðferð og úrvinnslu gagna í rannsóknum.
hvernig rannsóknarniðurstöður eru settar fram.
Nemandi skal hafa öðlast leikni í að:
afla gagna með eigindlegum rannsóknaraðferðum og greina þau.
afla gagna með megindlegum rannsóknaraðferðum og greina þau.
finna og tengja saman fræðilegt efni og markmið rannsóknar.
draga saman heildarniðurstöður úr fyrirliggjandi gögnum.
Nemandi skal geta hagnýtt þá almennu þekkingu og leikni sem hann hefur aflað sér til að:
framkvæma rannsókn með eigindlegum rannsóknaraðferðum sem metið er með leiðsagnarmati.
framkvæma rannsókn með megindlegum rannsóknaraðferðum sem metið er með leiðsagnarmati.
skrifa fræðilegan kafla í rannsóknarskýrslu/ rannsóknarverkefni sem metið er með leiðsagnarmati og verkefni.
vinna með rannsóknargögn og flétti saman við fræðilegt efni sem metið er með leiðsagnarmati.
túlka og kynna rannsóknarskýrslu /rannsóknarverkefni fyrir öðrum sem metið er með verkefni sem kynnt er í málstofu. Notað er jöfnum höndum sjálfsmat, jafningjamat og kennaramat.
Námsmatið byggir á þrepaskiptri vinnu sem leiðir til lokaskýrslu, bæði í tengslum við eigindlega og megindlega rannsókn sem nemendur vinna að. Hvert verkefni er frá upphafi unnið í samráði við kennara. Hægt er að skila verkefnunum á mismunandi máta, t.d. í ritgerðarformi, sem myndbandi eða kynningarbæklingi. Lokaafurð er metin með sjálfsmati, jafningjamati og kennaramati.