Áfanginn fjallar í megindráttum um tengsl heimspeki við kvikmyndamiðilinn. Í áfanganum verða teknar fyrir kvikmyndir úr kvikmyndasögunni sem á einn veg eða annan kynna heimspekileg þemu eða heimspekilega hugsun. Lögð er áhersla á að nemendur læri um hinar ýmsu heimspekilegu og siðferðislegu hugmyndir sem kynntar eru í kvikmyndum og sjónvarpsefni og öðlist skilning á því hvernig miðlar eins og kvikmyndaformið geti kynnt hugmyndir og þekkingu á ólíkan hátt en hið ritaða mál. Ekki er notast við neina sérstaka kennslubók, heldur mun kennari úthluta völdum textum sem nemendur munu lesa.
Námið er skipt í þrjá hluta: Í fyrsta hlutanum er teknar fyrir kvikmyndir sem fjalla um heimspeki og heimspekinga. Í öðrum hlutanum eru skoðaðar kvikmyndir sem kynna heimspeki og í þeim þriðja kvikmyndir sem geta verið séðar sem heimspeki eða predika heimspeki.
HEIM2BY05
Nemandi skal hafa öðlast þekkingu og skilning á:
möguleikum og takmörkunum kvikmyndamiðilsins
heimspeki og kvikmyndum sem fræðigrein
hugtökum eins og gagnrýnin hugsun, frelsi og réttlæti
hugmyndinni um spillingu tungumálsins
fagurfræði sem fræðigrein
meginkenningum í fagurfræði
notkun og tilgang frumspeki
meginkenningum í þekkingarfræði
Nemandi skal hafa öðlast leikni í að:
lesa og endursegja heimspekilega texta
greina heimspekilega þemu í listum og kvikmyndum
þekkja siðferðisleg vandamál og geta beitt heimspekilegum hugmyndum til þess að leysa þau
gera skipulega grein fyrir sínum eigin skoðunum og viðhorfum
hugsa sjálfstætt um heimspekileg álitamál
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran og rökstuddan texta um siðferðilegar, fagurfræðilegar og heimspekilegar hugmyndir
geta þróað sínar eigin kenningar og greiningar á álitamálum í þjóðfélaginu og í kvikmyndamiðlinum
beitt gagnrýnni hugsun til að mynda sér sjálfstæðar og upplýstar skoðanir
öðlast nýja þekkingu á hnitmiðaðan máta
skilja betur stöðu sína í heiminum og þann veruleika sem hann skynjar
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.