Það kom upp villa senda inn  Áfangi

    Áfangi Nánari upplýsingar


    Búið til: 1409124343.6

    Umhirða og atferli - bóklegt
    HEST1HE05
    1
    hestamennska
    Umhirða og atferli
    Samþykkt af skóla
    1
    5
    Áfanginn er bóklegur og í fyrri hluta hans er lögð áhersla á undirstöðuatriði í fóðrun, heilbrigði og umhirðu hesta. Nemendur munu öðlast góðan grunnskilning á atferli íslenska hestsins og þróunarsögu hans hérlendis, ásamt því að geta greint frá ýmsum fagfélögum sem starfa í þágu hestsins. Í seinni hluta áfangans verður fjallað um líkamsbeitingu hestsins, gangtegundir hans og grunnatriði í reiðmennsku knapans. Nemendur læra um öryggismál í hestaíþróttinni og sitja námskeið í skyndihjálp.
    Nemandi skal hafa öðlast þekkingu og skilning á:
    • grunnþörfum íslenska hestsins í fóðrun og umhirðu
    • eðli og atferli hestsins og hvernig knapinn á að umgangast hann
    • gangtegundir íslenska hestsins og notkun þeirra
    • þróunarsögu íslenska hestsins og hvernig íslensk náttúra hefur mótað hann
    • líkama hestsins og hvernig hann beitir sér með og án knapa
    • fræðunum sem liggja að baki einföldum fimiæfingum við hendi, í hringteyming og reið
    • helstu atriðum skyndihjálpar og öryggismálum tengdum faginu
    Nemandi skal hafa öðlast leikni í að:
    • tjá sig í umræðum um hesta á faglegum grundvelli
    • vinna sjálfstætt og í hópum
    • flokka hesta í rétt holdastig og reikna fóðurþarfir þeirra
    • greina líkamlega hegðun og skapgerð mismunandi hesta
    • sjá mun á gangtegundum og líkamsbeitingu hesta með og án knapa
    • bregðast rétt við slysum tengdum hestum og mönnum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • miðla þekkingu sinni og reynslu til annarra
    • hafa vald á helstu ásetum, taumhaldi og stjórnun á baki
    • að sinna öryggismálum í sambandi við hesthús, búnað, umgengni við hesta og í reið
    • beita helstu atriðum skyndihjálpar
    Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.