Ný menntastefna er höfð til grundvallar og grunnþættir menntunar eru hafðir að leiðarljósi. Starfsnám gefur nemendum tækifæri til þess að kynna sér ýmis störf og mismunandi vinnustaði. Námið felur í sér að nemendur þjálfist í að beita mismunandi aðferðum og verklagi. Starfsnám fer fram í skóla og á vinnustað. Með því að tengja námið við vinnustaði öðlast nemendur oft aðra sýn á námið í skólanum og tilgangur námsins verður skýrari.
Engar
Nemandi skal hafa öðlast þekkingu og skilning á:
Fjölbreyttum vinnustöðum
Fjölbreyttum starfsheitum
Mikilvægi þess að fara út á vinnumarkaðinn að skóla loknum
Nemandi skal hafa öðlast leikni í að:
Velja sér vinnustað út frá raunhæfum markmiðum
Mæta til vinnu á réttum tíma
Fylgja fyrirmælum
Fylgja hreinlætisreglum á vinnustað
Fylgja samskiptareglum á vinnustað
Fylgja öryggisreglum á vinnustað
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í atvinnulífinu
Hafa yfirsýn yfir mismunandi störf og starfsvettvang
Þekkja mismunandi starfsheiti og átta sig á hlutverkum sem felst í þeim
Tilheyra starfsmannahópi
Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.