Ný menntastefna er höfð til grundvallar og grunnþættir menntunar eru hafðir að leiðarljósi. Umræður eru grundvallarþáttur í kennslunni þar sem sköpun er höfð að leiðarljósi í þeim tilgangi að brjóta upp hefðbundið mynstur í kennslu. Áhersla er á uppgötvun, gagnrýna hugsun, umræður og ígrundun ásamt hefðbundnum kennsluaðferðum. Einnig eru fjölmörg verkefni unnin, bæði bókleg og verkleg. Unnið verður með samskipti í mismunandi formi og nemendur æfa sig í að túlka samskipti kynjanna. Í umræðum, einstaklings-, hóp- og paravinnu takast nemendur á við spurningar og verkefni sem eru til þess fallin að efla almennan þroska og persónulegt sjálfstæði.Til þess þurfa þeir að vinna með sjálf sig, bera virðingu fyrir sjálfum sér og öðrum.
Nemandi skal hafa öðlast þekkingu og skilning á:
Að sköpun er ferli sem byggist á ímyndunaraflinu
Eigin sjálfsvitund og trú á sjálfum sér
Eigin tilfinningum eins og gleði, sorg og reiði
Samskiptareglum í skóla, vinnu og tómstundum
Að hægt er að leita leiða á fjölbreyttan hátt
Að það eru ekki alltaf allir sammála og það er allt í lagi
Nemandi skal hafa öðlast leikni í að:
Bera virðingu fyrir sjálfum sér og öðrum
Bera ábyrgð á eigin hegðun
Setja sér raunhæf markmið og þekkja leiðir að þeim
Setja sig í spor annarra
Leita mismunandi leiða í vinnuferlinu
Að gagnrýna á uppbyggilegan hátt
Að koma skoðunum sínum á framfæri
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í lýðræðissamfélagi
Nýta styrkleika sína sem best
Hlusta á sjónarmið annarra af víðsýni
Lesa í og/eða nýta sér mismunandi upplýsingar úr umhverfinu
Mynda sér sjálfstæðar skoðanir og tjá þær
Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat og ástundun. Regluleg endurgjöf er frá kennara á vinnuframlag nemenda og verkefnaskil.