Það kom upp villa senda inn  Áfangi

    Áfangi Nánari upplýsingar


    Búið til: 1410367277.96

    Lífsleikni með áherslu á sjálfbærni í víðu samhengi
    LÍFS1SB05
    23
    lífsleikni
    Sjálfbærni í víðu samhengi
    Samþykkt af skóla
    1
    5
    Ný menntastefna er höfð til grundvallar og grunnþættir menntunar eru hafðir að leiðarljósi. Áhersla er á sjálfbærni og undirbúning fyrir fullorðinsárin. Farið verður yfir fjölbreytta sýn á aðstæður og umhverfi ungs fólks í dag og hvernig hugtakið sjálfbærni kemur fyrir í daglegu lífi. Áhersla er á að námið verði sjálfbært í þeirri merkingu að það eigi eftir að nýtast nemendum í framtíðinni og færa þá nær raunveruleika lífsins í gegnum fræðslu og umfjöllun/upplifun.
    Engar
    Nemandi skal hafa öðlast þekkingu og skilning á:
    • Hugtakinu sjálfbærni
    • Hugtökum sem snerta umhverfismál og umhverfisvitund
    • Að sérstaða manna meðal lífvera er margvísleg
    • Fjölbreytileika lífs
    • Mismunandi samskiptareglum
    • Mikilvægi tjáningar og hlustunar
    • Ýmsum aldurs- og áhugamiðuðum hugtökum
    Nemandi skal hafa öðlast leikni í að:
    • Skoða eigin neysluvenjur og áhrif þeirra á eigin velferð og umhverfi
    • Nálgast viðfangsefni á fjölbreyttan hátt
    • Átta sig á fjölbreytileika samfélagsins og mismunandi menningarheimum
    • Taka þátt í umræðum
    • Afla sér upplýsinga um lýðheilsu
    • Nýta sér reynslu annarra til að takast á við sambærilegar aðstæður
    Nemandi skal geta hagnýtt þá almennu þekkingu og leikni sem hann hefur aflað sér til að:
    • Skilja þá hugsun sem felst í hugtakinu sjálfbærni
    • Virða fjölbreytileika náttúru, umhverfis og fólks
    • Þekkja styrkleika sína og nýta þá á jákvæðan og uppbyggilegan hátt
    • Hlusta á sjónarmið annarra af víðsýni
    Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.