Ný menntastefna er höfð til grundvallar og grunnþættir menntunar eru hafðir að leiðarljósi. Unnið verður með alla þætti íslenskunnar þar sem tjáning verður höfð að leiðarljósi. Áhersla er á að efla þekkingu, leikni og hæfni nemenda í notkun tjáskiptaleiða sem henta hverjum og einum. Megin áhersla verður á að viðhalda og byggja ofan á þann grunn sem nemendur búa nú þegar að. Farið verður í fjölbreytt viðfangsefni, s.s. umræður í litlum og/eða stórum hópum, framsagnarverkefni, hugtakaverkefni og fjölbreytt verkefni sem stuðla að því að styrkja sjálfstraust nemenda. Notast verður við aldursmiðaðar bókmenntir, sjálfshjálparbækur, íslenska tónlist og fjölbreytt verkefni.
Engar
Nemandi skal hafa öðlast þekkingu og skilning á:
Samskiptaleið sem hentar viðkomandi
Skoðunarfrelsi og/eða tjáningarfrelsi
Mikilvægi þess að láta skoðanir sínar í ljós og hlusta á sjónarmið annarra
Nemandi skal hafa öðlast leikni í að:
Tjá sig fyrir framan nemendahópinn
Virða skoðanir annarra
Taka þátt í umræðum og tjá eigin skoðanir
Leggja mat á eigin verkefni og/eða frammistöðu
Nemandi skal geta hagnýtt þá almennu þekkingu og leikni sem hann hefur aflað sér til að:
Vera meðvitaður um styrkleika sína
Að spyrja spurninga og hlusta á sjónarmið annarra af víðsýni
Bera virðingu fyrir skoðunum annarra
Kynna sjálfan sig með fullu nafni og svarað spurningum um fyrirfram ákveðið viðfangsefni
Bíða eftir að röðin komi að sér
Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.