Ný menntastefna er höfð til grundvallar og grunnþættir menntunar eru hafðir að leiðarljósi. Unnið verður með Ísland og Íslandskortið. Farinn verður hringur um landið og hin ýmsu sveitarfélög landsins kynnt. Skoðaðir verða nokkrir sameiginlegir þættir sveitafélaganna, ásamt því að skoða hvað gerir þau ólík. Sérstök áhersla verður á höfuðborgina Reykjavík.
Engar
Nemandi skal hafa öðlast þekkingu og skilning á:
Nöfnum sveitarfélaga víðsvegar um Ísland
Fjölda íbúa á fyrirfram ákveðnum stöðum
Helstu kennileitum ákveðinna staða
Vinsælum ferðamannastöðum á Íslandi
Nemandi skal hafa öðlast leikni í að:
Nefna og aðgreina bæjarfélög á Íslandi
Setja sig í spor ferðamanns og ferðast á hina ýmsu staði
Leita mismunandi leiða í vinnuferlinu
Nálgast viðfangsefni á mismunandi hátt
Að beita mismunandi aðferðum í vinnuferlinu
Nemandi skal geta hagnýtt þá almennu þekkingu og leikni sem hann hefur aflað sér til að:
Ferðast um landið og taka þátt í umræðum um náttúruperlur Íslands
Taka eftir ólíkum viðfangsefnum
Greina á milli aðal- og aukaatriða
Hlusta á sjónarmið annarra af víðsýni
Lesa í og/eða nýta sér mismunandi upplýsingar í umhverfinu
Tjá eigin skoðanir
Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.