Ný menntastefna er höfð til grundvallar og grunnþættir menntunar eru hafðir að leiðarljósi. Unnið verður með talmál dönskunnar þar sem tjáningin er höfð að leiðarljósi. Áhersla verður á að efla þekkingu, leikni og hæfni nemenda í notkun þeirra tjáskiptaleiða sem henta hverjum og einum. Hlustun, umræður, hugtakaskilningur og lestur verður nálgunin í áfanganum og notast verður við bókmenntir, kvikmyndir og tímarit með fjölbreyttum verkefnum til að byggja ofan á þá þekkingu sem fyrir er.
Engar
Nemandi skal hafa öðlast þekkingu og skilning á:
Algengum orðum, orðasamböndum og stuttum setningum
Einfaldum leiðbeiningum og upplýsingum á danskri tungu
Að tjá sig um afmörkuð efni
Framburði í dönsku máli
Nemandi skal hafa öðlast leikni í að:
Heilsa, kynna sig, þakka fyrir sig og afsaka sig með viðeigandi orðalagi
Tjá sig fyrir framan nemendahópinn á sinn hátt
Mynda einfaldar setningar
Greina heiti og einstök orð, þegar talað er á danskri tungu
Skilja aðalatriði í einföldum samtölum, taka þátt í umræðum og tjá eigin skoðanir
Nemandi skal geta hagnýtt þá almennu þekkingu og leikni sem hann hefur aflað sér til að:
Heilsa, kynna sig, þakka fyrir sig og afsaka sig með viðeigandi orðalagi
Tjá skoðanir sínar og tilfinningar á danskri tungu
Segja frá efni sem fjallað hefur verið um í stuttu máli
Líkja eftir framburði á algengum orðum, orðasamböndum og stuttum setningum
Tjá sig um þau orð og orðasambönd, t.d. sem hann hefur lært
Mynda og svara einföldum spurningum út frá orðaforða sem tengist viðfangsefninu
Vinna samtalsæfingar út frá fyrirmyndum sem fengist hefur verið við
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.