Ný menntastefna er höfð til grundvallar og grunnþættir menntunar eru hafðir að leiðarljósi, sérstaklega sjálfbærni. Áhersla er lögð á umhverfislæsi, hagkvæmni, endurvinnslu, nýtingu, sparnað og sjálfbærni í daglegu lífi. Nemendur leysa verkefni á sjálfstæðan hátt en einnig í samvinnu við aðra.
Engar
Nemandi skal hafa öðlast þekkingu og skilning á:
Hugtakinu sjálfbær þróun
Hvað sjálfbærni þýðir með tilliti til innkaupa, matreiðslu, nýtingu fæðunnar, flokkunar og endurvinnslu
Mikilvægi sjálfbærni í daglegu lífi og sérstöðu okkar á Íslandi
Áhrifum umgengni okkar, virðingu fyrir umhverfinu, sparnaði og sóun á matvælum
Umburðarlyndi og virðingu fyrir sjálfum sér og öðrum
Sjálfstæðum vinnubrögðum, samvinnu og verkaskiptingu
Nemandi skal hafa öðlast leikni í að:
Skoða eigin neysluvenjur og áhrif þeirra á eigin velferð og umhverfi
Afla sér upplýsinga um það sem viðkemur sjálfbærni
Beita aðferðum til að stuðla að eigin sjálfbærni
Flokka umbúðir og afganga á réttan hátt
Vinna sjálfstætt og í samvinnu við aðra nemendur
Nemandi skal geta hagnýtt þá almennu þekkingu og leikni sem hann hefur aflað sér til að:
Þekkja styrkleika sína og geta nýtt þá á jákvæðan hátt í umhverfi sínu
Kaupa inn sem besta vöru með tilliti til hollustu og sjálfbærni
Skipuleggja flokkun og endurvinnslu á eigin heimili
Vera meðvitaður um eigin neysluvenjur og geta breytt þeim
Nýta mat á hagkvæman hátt með sjálfbærni í huga
Vinna með öðrum og sjálfstætt
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.