Heimilisfræði með áherslu á sköpun í víðu samhengi
HEFR1SS04
6
Heimilisfræði
Sköpun í víðu samhengi
Samþykkt af skóla
1
4
Ný menntastefna er höfð til grundvallar og grunnþættir menntunar eru hafðir að leiðarljósi, sérstaklega sköpun í sem víðasta samhengi. Áhersla er lögð á frumkvæði, sjálfstæð vinnubrögð, uppgötvun, gagnrýni, læsi, hagkvæmni, nýtingu og sköpun í daglegu lífi. Nemendur leysa verkefnin á sjálfstæðan hátt en einnig í samvinnu við aðra.
Engar
Nemandi skal hafa öðlast þekkingu og skilning á:
Hugtakinu sköpun í daglegu lífi sem byggist m.a. á ímyndunarafli hvers og eins
Hvað sköpun þýðir með tilliti til innkaupa, matreiðslu og nýtingu fæðunnar
Mikilvægi frumkvæðis, sjálfstæðis og sköpunar í daglegu lífi
Áhrifum sköpunar í heimilishaldi og umhverfi
Að vinnuferlið hefur sama mikilvægi og afraksturinn
Umburðarlyndi og virðingu fyrir sjálfum sér og öðrum
Sjálfstæðum vinnubrögðum, samvinnu og verkaskiptingu
Nemandi skal hafa öðlast leikni í að:
Nota mismunandi leiðir og aðferðir í vinnuferli sínu
Beita fjölbreyttum aðferðum til að stuðla að eigin sköpun
Nýta hráefni á óhefðbundinn hátt með það fyrir augum að skapa nýjungar
Skoða eigin neysluvenjur með tilliti til breytinga og sköpunar
Horfa á umbúðir og afganga sem tækifæri til sköpunar og nýjunga
Vinna sjálfstætt og í samvinnu við aðra nemendur
Nemandi skal geta hagnýtt þá almennu þekkingu og leikni sem hann hefur aflað sér til að:
Ígrunda og nýta eigin hæfileika, sveigjanleika og frumkvæði til að skapa úr mismunandi hráefni með eða án skriflega leiðbeininga
Ræða málin og vera óhæddur að leita nýrra leiða í sköpun sinni
Vera meðvitaður um eigin neysluvenjur og geta breytt þeim á skapandi hátt
Þekkja styrkleika sína og geta nýtt þá á jákvæðan hátt í umhverfi sínu
Nýta mat á fjölbreyttan hátt með sköpun í huga
Vinna með öðrum og sjálfstætt
Vita að þekkingarleit og sköpunarferli eru ekki síður mikilvæg en svör og niðurstöður
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.