Nemendur öðist dýpri og sérhæfðari þekkingu á prentun listljósmynda á fjölbreytt efni og geti nýtt hana í öllum færniþáttum bæði tæknilega og listrænt við eigin listsköpun. Nemendur spreyta sig síðan á því að túlka í prentuðum ljósmyndum og orðum eigin verk og annarra ásamt því að setja upp sýningu með eigin verkum.Lögð er áhersla á eigin túlkun í nálgun viðfangsefna.
A.m.k. 10 einingar Í listljósmyndun á 2. þrepi
Nemandi skal hafa öðlast þekkingu og skilning á:
faggrein sinni og fjölbreyttum listastefnum innan hennar
miðlun sköpunar sinnar á mismunandi efni og form
samfélagslegu hlutverki listljósmyndunar
meðferð og túlkun ljósmynda
skapandi ljósmyndun
rannsóknarvinnu
hugmyndavinnu
gildi þess að tjá sig um eigin sköpun og sýna
vinnuumhverfi, vinnutækjum og áhöldum sinnar listgreinar og meðferð þeirra
hvaða þarf til að miðla þekkingu á fagsviði sínu á fjölbreytilegan hátt
Nemandi skal hafa öðlast leikni í að:
nýta sértæka þjálfun sína í líkamsbeitingu, tækni, verklagi, skapandi aðferðum og túlkun í listljósmyndun
skipuleggja verkferli í listljósmyndun með ábyrgum og sjálfstæðum hætti
sýna frumkvæði og skapandi nálgun í listljósmyndun og beitt viðeigandi aðferðum við útfærslu verka
tjá sig á skýran, ábyrgan, gagnrýninn og skapandi hátt um eigin verkferli og listrænar niðurstöður
öðlast öryggi í beitingu mismunandi miðlunarleiða í listljósmyndun og geti valið viðeigandi leið með tilliti til verkefna og aðstæðna hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
öðlast sjálfstraust og sjálfstæði í þróun hugmynda og sýna áræðni við útfærslu þeirra og túlkun
nota ímyndunarafl, innsæi og tilfinningar við sköpun
gera sér grein fyrir fagurfræðilegu, siðferðilegu og samfélagslegu hlutverki listamannsins
greina, tjá sig um og meta eigin verk og annara af þekkingu, víðsýni og umburðarlyndi
öðlast hæfni til að meta listrænan styrk sinn og komi auga á hagnýtingu menntunar sinnar
geti staðið að opinberri sýningu/tónleikum/viðburði og miðlað þar listrænum styrk sínum
þróa með sér aga, metnað, ábyrgð og jákvæðni í vinnubrögðum
Í áfanganum er leiðsagnarmat með símat alla önnina. Öll verkefni gilda til einkunnar. Nemendur þurfa einnig að standast mætingarkröfur áfangans.