Í þessum áfanga er farið yfir Íslands- og mannkynssögu frá því um 1750-1800 til samtímans.
Um er að ræða hefðbundna yfirlitssögu þar sem áhersla er lögð á að tengja saman Íslands- og mannkynssöguna þannig nemendur skilji Íslandssöguna í ljósi evrópskra áhrifa.
Megináherslan verður 19. öldin en í umfjöllun um 20. öld mun síðari heimsstyrjöldin vera í brennidepli.
SAGA1YS05(11)
Nemandi skal hafa öðlast þekkingu og skilning á:
stjórnmálasögu Evrópu á 19. öld m. t. t. hugmyndasögu sama tíma
áhrifum þjóðernisstefnunnar á þróun menningar og stjórnmála á 19. og 20. öld
þróun sjálfstæðisbaráttu Íslendinga m. t. t. stöðu Danaveldis í Evrópu
upphafi iðnbyltingarinnar og hinum stórkostlegu áhrifum hennar á evrópskt og íslenskt samfélag
sögu síðari heimsstyrjaldar, aðdraganda, gang stríðsins og stöðu heimsmála við stríðslok
helstu tímabilaskiptingu síðustu alda
Nemandi skal hafa öðlast leikni í að:
meta gildi og áreiðanleika heimilda og nýta sér fjölbreyttar tegundir þeirra
sjá tengsl fortíðar og nútíðar og samhengið milli tímabila, svæða og sviða
tileinka sér og beita hugtökum um fyrirbæri sögunnar og átti sig á gagnsemi þeirra og takmörkunum
lesa og túlka texta, kort, töflur, gröf og myndir frá mismunandi tímaskeiðum sögunnar
Nemandi skal geta hagnýtt þá almennu þekkingu og leikni sem hann hefur aflað sér til að:
koma söguþekkingu sinni og söguskilningi á framfæri með fjölbreyttum hætti ...sem er metið með... verkefnum, ritgerð, rökræðum, prófum
leggja mat á eigin frammistöðu og annarra í verkefnavinnu ...sem er metið með... sjálfsmati, jafningjamati
taka þátt í skoðanaskiptum og rökræðum með jafningjum um sagnfræðileg efni ...sem er metið með... rökræðum, jafningjamati
sýna umburðarlyndi og víðsýni gagnvart sögulegum viðfangsefnum ...sem er metið með... verkefnum, rökræðum, ritgerð, prófum
Leiðsagnarmiðað námsmat þar sem helstu námsþættir eru: skilaverkefni, tímakannanir, ritgerð, rökræður, sjálfsmat, jafningjamat og próf