Í áfanganum er fjallað um bylgjur, eiginleika þeirra, flokkun og lýsingu. Í framhaldi af því er
fjallað um ljós og bylgjueiginleika þess. Einnig er
farið í grunnatriði rafmagnsfræði og
segulfræði. Skoðuð eru fyrirbæri eins og rafkraftar, rafsvið, rafrásir, segulkraftar og segulsvið.
Tekin eru fyrir grunnhugtök eins og rafhleðsla,
rafstraumur, rafspenna og skoðaðar
einingar í rafrásum líkt og viðnám, spennugjafar og þéttar. Einnig er víxlverkun rafsviðs og segulsviðs skoðuð.
Líkt og í undanfaranum er mikil áhersla lögð á að kenna vinnubrögð við úrlausn verkefna og við verklegar æfingar.
Nemendur framkvæma nokkrar tilraunir í áfanganum.
Nemandur þurfa að hafa lokið EÐLI2AA05
Nemandi skal hafa öðlast þekkingu og skilning á:
bylgjugerðum og útbreiðslu bylgna
endurvarpi, bognun, broti og samliðun bylgna
ljósbroti og lögmáli Snells
brennivídd og mögnun linsu ásamt linsujöfnunni
rafhleðslum, rafkröftum og rafsviði
spennu, rafstraumi, raforku og rafafli
viðnámi og lögmáli Ohms
íspennu og innra viðnámi spennugjafa
einföldum rafrásum og lögmáli Kirchhoffs
segulmagni, segulsviði og spanlögmáli Faradays
Nemandi skal hafa öðlast leikni í að:
nota markverða tölustafi og viðeigandi einingar í útreikningum og lokasvörum
beita aðferðum stærðfræðinnar við að leysa dæmi og verkefni
beita lögmáli Snells og vinna með endurvarp, alspeglun og brot ljósbylgna
vinna með linsujöfnuna fyrir safnlinsur og dreifilinsur
nota vigra til að lýsa kröftum og hreyfingu hlaðinna agna í raf- og segulsviði
meðhöndla sviðshugtakið, bæði sem rafsvið og segulsvið
beita lögmálum Coulombs og Ohms í rafmagnsfræðinni
beita jöfnum Lorentz og Faradays í segulfræði
vinna sjálfstætt að framkvæmd verklegra æfinga og útskýra niðurstöður út frá verklýsingu/tilraunaseðli
Nemandi skal geta hagnýtt þá almennu þekkingu og leikni sem hann hefur aflað sér til að:
sannreyna helstu lögmál bylgju- og rafsegulfræðinnar með því að framkvæma tilraunir einn eða í samstarfi við aðra
sýna sjálfstæði í vinnubrögðum og bera ábyrgð á eigin námsframvindu
yfirfæra þekkingu úr öðrum greinum (s.s. stærðfræði, tölvufræði og efnafræði) við lausn verkefna og úrvinnslu verklegra æfinga
leggja mat á hvort útkoma úr mælingum og útreikningum sé innan eðlilegra marka
tengja bylgju- og rafsegulfræði við daglegt líf og umhverfi og gera sér grein fyrir hagnýtu gildi þessara fræðigreina
Áfanganum lýkur með lokaprófi. Einnig eru heimadæmi, annarpróf og verklegar æfingar metnar til lokaeinkunnar.